الماتىدا دەراتيزاسيا اياسىندا 20 گەكتاردان استام اۋماق دارىلەنەدى، دەپ حابارلايدى اqshamnews.kz.
الماتىدا 2025 جىلى 15 قىركۇيەكتەن 31 قازانعا دەيىن كەمىرگىشتەر تارالۋىنىڭ الدىن الۋعا جانە حالىقتىڭ سانيتارلىق ءال-اۋقاتىن قامتاماسىز ەتۋگە باعىتتالعان دەراتيزاسيانىڭ ەكىنشى (كۇزگى) كەزەڭى وتكىزىلەدى. مۇنى الماتىنىڭ كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسىنىڭ تاپسىرىسى بويىنشا «ەكو سەرۆيس الماتى» ج ش س جۇزەگە اسىرادى.
بۇگىندە الاتاۋ، جەتىسۋ جانە مەدەۋ اۋداندارىندا كەمىرگىشتەرگە قارسى دارىلەۋ جۇمىستارى اياقتالدى.
جالپى، اشىق جانە جابىق بيوتوپتاردى، سونداي-اق جەكە سەكتوردى قوسقاندا 20 مىڭ گەكتاردان استام اۋماق دارىلەنەدى.
6 قازاننان باستاپ ماماندار المالى اۋدانىن دارىلەۋگە كىرىستى. اي سوڭىنا دەيىن دەراتيزاسيا بوستاندىق، اۋەزوۆ، تۇركسىب جانە ناۋرىزباي اۋداندارىندا جۇرگىزىلەدى.
بيىلعى كۇزگى كەزەڭدە جاسىل ايماقتار، وزەندەر مەن سۋ ايدىندارىنىڭ جاعالاۋلارى، ارىق جەلىلەرى، قوعامدىق كولىك ايالدامالارى، كونتەينەرلىك الاڭدار، سونداي-اق جەكە سەكتوردىڭ جەر ۋچاسكەلەرى دارىلەنەدى. جالپى دەتاريزاسيالاۋ الماتى قالاسىنىڭ 47،3 مىڭ گەكتارعا جۋىق اۋماعىن قامتيدى. جەكە سەكتور تۇرعىندارى دارىلەردى قولدانۋ جونىندەگى ەگجەي-تەگجەيلى نۇسقاۋلىقپەن بىرگە ۋلى جەمدى تەگىن الادى.
ەستەرىڭىزگە سالا كەتەيىك، پروفيلاكتيكالىق ءىس-شارالار جىلىنا ەكى رەت – كوكتەمدە جانە كۇزدە جۇرگىزىلەدى. بۇل كەشەندى شارالار كەمىرگىشتەردىڭ سانىن باقىلاۋعا جانە ولاردىڭ تارالۋ ءقاۋپىن ازايتۋعا مۇمكىندىك بەرەدى.
الماتىنىڭ كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسى ۆەدومستۆولىق باعىنىستى مەكەمەلەرگە، پيك، ميب-تەرىنە، زاڭدى تۇلعالارعا اۋماقتارىندا دارىلەۋ جۇمىستارىن جۇرگىزۋدى مىندەتتەيدى.
دارىلەۋ ءىس-شارالارىن وتكىزۋ ماسەلەسى بويىنشا شاعىمدار مەن وتىنىشتەر تۋىنداعان جاعدايدا قالا تۇرعىندارى «ەكو سەرۆيس الماتى» ج ش س ديسپەچەرلىك بولمەسىنە مىنا تەلەفون نومىرلەرى ارقىلى حابارلاسا الادى: +7 705 225 13 31 (ماگيسترال)، +7 705 118 77 88 (نۇرجان).