بريتانيا پاتشايىمى ءىى ەليزاۆەتا كوروناۆيرۋس جۇقتىردى، دەپ حابارلايدى almaty-akshamy.kz قازاقپاراتقا سىلتەمە جاساپ.
اگەنتتىكتىڭ جازۋىنشا، پاتشايىمعا ازداپ سۋىق تيگەن. الايدا سارايداعىلار وسى اپتادا ونىڭ ۆيندزورداعى قىزمەتىن جالعاستىراتىنىن ءمالىم ەتتى.
«وعان مەديسينالىق كومەك كورسەتىلىپ، بارلىق قاجەتتى تالاپتاردى ورىندايدى»، - دەلىنگەن مالىمدەمەدە.
پاتشايىمعا ۆاكسينا سالىندى
ءىى ەليزاۆەتا 95 جاستا. ول ءوزىنىڭ ۇلكەن ۇلى جانە مۇراگەرى ۋەلس حانزاداسىمەن بايلانىستا بولعانى بەلگىلى. ال وتكەن اپتادا حانزادادان الىنعان سىناما قورىتىندىلارى ونىڭ كوروناۆيرۋسقا شالدىققانىن راستاپ شىققان.
2021 جىلدىڭ 9 قاڭتارىندا پاتشايىم ءىى ەليزاۆەتا كوروناۆيرۋسقا قارسى العاشقى ۆاكسيناسىن العانى حابارلاندى.
كورولدىك سارايداعى BBC ءتىلشىسى نيكولاس ۆيچەللدىڭ ايتۋىنشا، پاتشايىم ۆاكسينانىڭ تولىق كۋرسىنان وتكەن.
2022 جىلدىڭ 6 اقپانىندا ءىى ەليزاۆەتا پاتشايىم تاقتاعى پلاتينا مەرەيتويىن اتاپ ءوتتى. ول 70 جىل بيلىك ەتكەن تاريحتاعى العاشقى بريتاندىق مونارح بولدى.
پاتشايىمنىڭ پلاتينا مەرەيتويىن تويلاۋى ءبىرشاما ۋاقىتقا سوزىلادى جانە ونىڭ شارىقتاۋ شەگى جازدىڭ باسىنا جوسپارلانعان: ۇلىبريتانيادا 2-5 ماۋسىم جالپىعا ۇلتتىق دەمالىس كۇندەرى بولىپ جاريالاندى.