ءبىر جىلدا پاتەردى جالعا بەرۋ 17% قىمباتتاسا، ساتۋ باعاسى كەرىسىنشە ءتۇستى. تۇرعىن ءۇي نارىعىندا ءبىر جىلدا جاڭا تۇرعىن ۇيلەر باعاسى 4،4% ءوستى، ال پاتەرلەردى قايتا ساتۋ باعاسى 2،9% تومەندەدى.
اباتتاندىرىلعان تۇرعىن ءۇيدى جالعا الۋ تولەمى وتكەن جىلعى ءتيىستى ايمەن سالىستىرعاندا تامىزدا 17% ارتتى، دەپ حابارلايدى اlmaty-akshamy.kz ۇلتتىق ستاتبيۋروعا سىلتەمە جاساپ.
وڭىرلەر بولىنىسىندە جاڭا ۇيلەر نارىعىندا باعا جىلدىق ماندە اقتاۋدا – 18%، سەمەيدە – 16%، پاۆلوداردا - 15،5% قىمباتتادى.
قولدانىستاعى پاتەرلەر نارىعىندا باعا ءوسىمىنىڭ كوش باسىندا سەمەي (25،3%)، اقتوبە (22،5%)، قىزىلوردا (15،5%) قالالارى، تۇرعىن ءۇيدى جالعا بەرۋ نارىعىندا – كوكشەتاۋ (37،9%)، قونايەۆ (36،1%)، اقتوبە (34،7%) قالالارى تۇر.
|
تۇرعىن ءۇي نارىعىنداعى باعا وزگەرىسى پايىزبەن، ءوسۋى+، تومەندەۋى-
|
ءبىر ايدىڭ ىشىندە (2023 جىلعى تامىز 2023 جىلعى شىلدەگە قاراعاندا) جاڭا تۇرعىن ءۇي باعاسى وزگەرىسسىز قالدى، پاتەرلەردى قايتا ساتۋ 1،8% تومەندەدى.
اباتتاندىرىلعان تۇرعىن ءۇيدى جالعا الۋ تولەمى شىلدەمەن سالىستىرعاندا تامىزدا 2،3% ءوستى.