كوبىنەسە ءۇيىن جالعا بەرىپ وتىرعان باسپانا يەلەرى تابىسىن مەملەكەتتەن جاسىرعىسى كەلگەندىكتەن ەمەس، ونى دۇرىس ۇيىمداستىرۋدى بىلمەگەندىكتەن سالىق تولەمەيدى دەپ حابارلايدى almaty-akshamy.kz
زاڭسىز جالعا بەرىلەتىن تۇرعىن ءۇي دەگەنىمىز نە
مەنشىك يەسى العان تابىسىنا سالىق تولەۋدەن جالتاراتىن، ال جالعا الۋشىلار ۋاقىتشا تۇرعىلىقتى جەرى بويىنشا تىركەلمەگەن تۇرعىن ءۇيدى جالعا بەرۋ زاڭسىز دەپ تانىلادى. ولاردىڭ اراسىندا اۋىزشا نەمەسە جازباشا كەلىسىم بار، ءبىراق باقىلاۋشى ورگانداردىڭ ەشقايسىسى بۇل تۋرالى بىلمەيدى، ياعني مۇنداي مامىلە زاڭ شەڭبەرىنەن تىس جاسالعان.
قانداي جاعدايدا جەكە كاسىپكەرلىكتى تىركەۋ مىندەتتى
كاسىپكەرلىك كودەكسىنىڭ 35-بابىنا سايكەس جەكە كاسىپكەر رەتىندە مىندەتتى مەملەكەتتىك تىركەۋگە كەلەسى شارتتاردىڭ بىرىنە جاۋاپ بەرەتىن جەكە تۇلعالار جاتادى:
تۇراقتى نەگىزدە قىزمەتكەرلەردىڭ ەڭبەگىن پايدالانساڭىز؛
جىلدىق تابىسىڭىز ەڭ تومەنگى جالاقىنىڭ 12-گە ەسەلەنگەن مولشەرىنەن، ياعني 12 ح 42500 = 510 000 تەڭگەدەن (2019 جىلدىڭ ەڭ تومەنگى جالاقىسى ەتج – 42 500 تەڭگەن قۇرايدى) اسساتىن بولسا، سىزگە جەكە كاسىپكەر رەتىندە تىركەلۋ قاجەت.
ولاي بولماسا، ءسىزدىڭ قىزمەتىڭىز زاڭسىز بولىپ ەسەپتەلەدى جانە دە ول ءۇشىن اكىمشىلىك جاۋاپكەرشىلىككە تارتىلۋىڭىز مۇمكىن.
جىلجىمايتىن مۇلىكتى جالعا بەرۋ كەزىندە جەكە تۇلعا قانداي سالىق تولەيدى
ەگەر ءسىز مەنشىك قۇقىعىن تىركەگەن كۇننەن باستاپ 1 جىلدان از مۇلىك جانە/نەمەسە كولىك قۇرالىن ساتساڭىز، مۇلىكتىك تابىس تۋىندايدى، ول پاتەردى وتكىزۋ قۇنى جانە ونى ساتىپ الۋ قۇنى اراسىنداعى وڭ ايىرماشىلىق رەتىندە انىقتالادى. وسىنداي تابىسقا سىزگە جەكە تابىس سالىعى بويىنشا دەكلاراسيانى وسىنداي تابىس الىنعان جىلدان كەيىنگى جىلدىڭ 31 ناۋرىزىنان كەشىكتىرمەي ۇسىنۋ جانە وسىنداي تابىس الىنعان جىلدان كەيىنگى جىلدىڭ 10 ساۋىرىنەن كەشىكتىرمەي 10 % مولشەرىندەگى جەكە تابىس سالىعىن تولەۋ قاجەت.
جىلجىمايتىن مۇلىكتى جالعا بەرۋ كەزىندە جك قانداي سالىق تولەيدى
ەگەر جەكە تۇلعا زاڭدى تۇلعاعا نەمەسە جەكە كاسىپكەرگە مۇلىكتى جالعا بەرسە، وندا مۇلىكتى جالعا بەرۋدەن الىنعان تابىس سالىق اگەنتىنەن جەكە تۇلعانىڭ تابىسىنا جاتادى جانە تولەم كوزىنەن جەكە تابىس سالىعىن سالۋعا جاتادى. بۇندا تولەم كوزىنەن سالىقتى ەسەپتەۋ، ۇستاۋ جانە اۋدارۋ بويىنشا مىندەت جەكە تۇلعاعا نەمەسە جەكە كاسىپكەرگە جۇكتەلەدى. سالىق مولشەرى سونداي-اق تابىس سوماسىنان 10%.
ەگەر جالعا بەرۋشى وڭايلاتىلعان رەجيم بويىنشا جۇمىس ىستەيتىن زاڭدى تۇلعا بولسا، وندا سالىق كودەكسىنە (687-باپ) سايكەس كىرىستەن الىناتىن تولەمدەر 3% مولشەرىندە ەسەپتەلەتىن بولادى. جالپى بەلگىلەنگەن تارتىپتە جۇمىس ىستەيتىن زاڭدى تۇلعا ءۇشىن جالعا بەرۋدەن تۇسكەن تابىس سالىعى 20% بولادى.
قىزمەتتىڭ وسى ءتۇرى ءۇشىن پاتەنت نەگىزىندەگى ارناۋلى سالىق رەجيمى نەعۇرلىم قولايلى رەجيم، ويتكەنى سالىق ستاۆكاسى 1%. پاتەنت نەگىزىندە اسر (ارنايى سالىق رەجيمى) قولدانۋ ءۇشىن مىناداي شارتتارعا سايكەس بولۋ قاجەت – جالدامالى ەڭبەكتى پايدالانباۋ جانە كۇنتىزبەلىك جىل ىشىندەگى شەكتى تابىس 358 ەسەلەنگەن اەك-تەن (2021 جىلى 10 291 176 تەڭگە) اسپاۋى ءتيىس.
الايدا، بۇل جاعدايدا جەكە كاسىپكەر وزىنە ەڭ از مولشەردە (ازىرگە بۇل 42 500، ال جاقىندا 60 000 بولادى) جالاقى تاعايىنداۋى ءتيىس جانە وسى جالاقىدان زەينەتاقى جارنالارىن (10%)، الەۋمەتتىك تولەمدەردى (3،5%) جانە مەديسينالىق ساقتاندىرۋدى (1،4 ەتج-دان 5%) تولەۋى ءتيىس. بيىل بۇل ايىنا 9 مىڭ تەڭگەگە جۋىق.
ءۇشىنشى نۇسقا - ءوزىن-وزى جۇمىسپەن قامتۋ
2019 جىلدان باستاپ قازاقستاندا ءبىرىڭعاي جيىنتىق تولەم (بجت) ەنگىزىلدى، ول سالىق ورگاندارىندا فورمالدى ەمەس جۇمىسپەن قامتىلعاندار قىزمەتىن تىركەۋدىڭ وڭايلاتىلعان ءتارتىبىن كوزدەيدى.
سالىق كودەكسىنىڭ 24ء-بولىمىنىڭ 774-بابىنا سايكەس، دارا كاسىپكەر رەتىندە تىركەۋسىز كاسىپكەرلىك قىزمەتتى جۇزەگە اسىراتىن جەكە تۇلعالار بجت تولەۋشىلەرى بولىپ تانىلادى، ولار ءبىر مەزگىلدە مىناداي شارتتارعا سايكەس كەلۋ قاجەت: ءبىرىڭعاي جيىنتىق تولەمدى تولەگەن؛ جالدامالى قىزمەتكەرلەردىڭ ەڭبەگىن پايدالانبايدى؛ اكسيزدەلەتىن ونىمدەردى قوسپاعاندا، سالىق اگەنتتەرى بولىپ تابىلمايتىن جەكە تۇلعالارعا عانا قىزمەت كورسەتەدى جانە (نەمەسە) سالىق اگەنتتەرى بولىپ تابىلمايتىن جەكە تۇلعالارعا عانا اكسيزدەلەتىن ءونىمدى قوسپاعاندا، ءوز ءوندىرىسىنىڭ جەكە قوسالقى شارۋاشىلىعىنىڭ اۋىل شارۋاشىلىعى ونىمدەرىن وتكىزەدى.
بۇل رەتتە، بجت تولەۋشىلەرى تابىسىنىڭ مولشەرى جىلىنا 1175 اەك-تەن اسپاۋى ءتيىس. (2021 جىلى 3 427 475 تەڭگە)
جەكە كاسىپكەر رەتىندە قالاي تىركەلۋگە بولادى
جەكە تۇلعالار سالىق ورگانىن كاسىپكەرلىك قىزمەتتىڭ باستالعانى تۋرالى حاباردار ەتۋگە جەتكىلىكتى. حابارلاما جىبەرىلگەن ساتتەن باستاپ بيزنەسپەن اينالىسۋعا مۇمكىندىك بەرەدى جانە ءوزى جك رەتىندە تىركەۋدىڭ بولۋىن راستاۋ بولىپ تابىلادى، بۇل قىزمەت ەlicense.kz «ەلەكتروندىق ليسەنزيالاۋ» پورتالىندا تەگىن كورسەتىلەدى.
تۇرعىن ءۇيدى زاڭسىز جالعا بەرگەنى ءۇشىن قانداي جازا قولدانىلادى
«قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى» كودەكسىنە سايكەس سالىق ەسەپتىلىگىن مەرزىمىندە بەرمەگەنى ءۇشىن، سونداي-اق تىركەۋسىز كاسىپكەرلىك ىزمەتپەن اينالىسقانى ءۇشىن اكىمشىلىك جاۋاپكەرشىلىك كوزدەلگەن.
ەگەر ءسىز سالىق ەسەپتىلىگىن بەلگىلەنگەن مەرزىمدە ءبىرىنشى رەت ۇسىنباساڭىز، وندا سىزگە «ەسكەرت» جازالاۋ شاراسى قولدانىلادى. اكىمشىلىك جازا قولدانىلعاننان كەيىن ءبىر جىل ىشىندە سالىق ورگانىنا سالىق ەسەپتىلىگىن ۇسىنباعانى ءۇشىن قايتالاپ جاسالعان قۇقىق بۇزۋشىلىق كەزىندە اكىمشىلىك ايىپپۇل 43 755 تەڭگە (15 اەك).
ال كاسىپكەرلىك قىزمەتپەن تىركەۋسىز اينالىسقان جاعدايدا مۇنداي ادامداردىڭ اكىمشىلىك جاۋاپكەرشىلىگى جونىندەگى شەشىمدەردى سوت ورگاندارى قابىلدايدى.
سالىنعان اكىمشىلىك ايىپپۇل قاۋلى زاڭدى كۇشىنە ەنگەننەن كەيىن 30 كۇنتىزبەلىك كۇننەن كەشىكتىرىلمەي تولەۋگە جاتادى.
بۇل رەتتە، ەگەر سىزدە ايىپپۇلدى زاڭدا بەلگىلەنگەن مەرزىمدە تولەۋگە مۇمكىندىك بولماسا، وندا ءسىز مەملەكەتتىك كىرىس ورگاندارىنا ايىپپۇل تولەۋدى كەيىنگە قالدىرۋ نەمەسە ءبولىپ تولەۋ تۋرالى ءوتىنىش بەرە الاسىز.