الماتى قالاسىنداعى قورعانىس مينيسترلىگىنىڭ بىتىمگەرلەردى دايارلاۋ ورتالىعىنا جاپونيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى يامادا دجۋن، قورعانىس ماسەلەلەرى جونىندەگى ەلشىنىڭ ءبىرىنشى حاتشىسى پولكوۆنيك ساۆاي تاداشي مەن مەديسينالىق ماسەلەلەر جونىندەگى كەڭەسشى نيشيزاۆا سوكو جۇمىس ساپارىمەن باردى دەپ حابارلايدى almaty-akshamy.kz ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
ورتالىقتىڭ باستىعى پولكوۆنيك باۋىرجان نىعمەتۋللين ورتالىق قىزمەتىنىڭ ماقساتى مەن ءمانى، ونىڭ ىشىندە بىتىمگەرلىك كۋرستار مەن قارقىندى تىلدىك دايىندىق تۋرالى حاباردار ەتتى. ورتالىقتى دامىتۋ جوسپارىندا وتكىزىلەتىن كۋرستاردى كوبەيتۋ جانە مەكەمەنىڭ وڭىرلىك دەڭگەيگە شىعۋى دا بار. ءسوز اراسىندا 19 قاراشادا «بۇۇ-نىڭ ازاماتتىق تۇرعىنداردى قورعاۋ – United Nations Protection of Civilians Course» اتتى بۇۇ-نىڭ سەرتيفيكاتتالعان حالىقارالىق كۋرسى اياقتالعانىن ايتا كەتەيىك. وندا بانگلادەش، برازيليا، قازاقستان، ماۆريتانيا، موزامبيك، نيگەريا، پاكىستان، ساۋد ارابياسى جانە فينليانديا قارۋلى كۇشتەرىنىڭ وكىلدەرى وقىدى. ساپار بارىسىندا قازاقستان مەن جاپونيا قورعانىس ۆەدومستۆولارى اراسىنداعى ورتالىقتىڭ بىتىمگەرشىلىك الەۋەتىن دامىتۋداعى ەكىجاقتى ىنتىماقتاستىقتى نىعايتۋ ماسەلەلەرى تالقىلاندى.
توتەنشە جانە وكىلەتتى ەلشى يامادا دجۋن كەزدەسۋدى ۇيىمداستىرىپ، قوناقجايلىلىق تانىتقانى ءۇشىن قورعانىس مينيسترلىگىنە ءوز العىسىن ءبىلدىردى. سونداي-اق ول قازاقستاننىڭ بەيبىتشىلىكتى قولداۋ جونىندەگى وپەراسيالارعا قاتىسۋىن كەڭەيتۋ ارقىلى بەيبىتشىلىك پەن قاۋىپسىزدىكتى نىعايتۋعا قوسقان ۇلەسىن اتاپ ءوتتى.