الەۋمەتتىك وسال توپتاعى تۇرعىندار باسپانالى بولدى.
ناۋرىزباي اۋدانىنىڭ «شۇعىلا» ىقشاماۋدانىندا ورنالاسقان «Alem City-2» تۇرعىن ءۇي كەشەنىندە سالىنعان 3 ۇيدەن ءبىرىنشى بولىپ حالىقتىڭ الەۋمەتتىك وسال توبىندا كەزەكتە تۇرعان تۇرعىندارعا 124 پاتەردىڭ كىلتى تابىس ەتىلدى.
كوپتەن كۇتكەن قۋانىشىن جاسىرا الماي، جۇزدەرى قۋانىشتان الابۇرتقان شاھار تۇرعىندارىنىڭ العاشقى توبىنا پاتەر كىلتىن سالتاناتتى تۇردە ناۋرىزباي اۋدانىنىڭ اكىمى نازيرا توعىزبايەۆانىڭ ءوزى تاپسىردى. بۇل كۇنى باسپانالى بولىپ، مول قۋانىشقا كەنەلگەن الەۋمەتتىك كومەككە اسا مۇقتاج جانداردىڭ قالا اكىمشىلىگىنە، اۋدان باسشىلىعىنا العىسىن جاۋدىرعانىنا كۋا بولدىق.
الماتى قالاسىنىڭ اكىمى ە.دوسايەۆتىڭ تىكەلەي تاپسىرماسىمەن بيىل شاھاردىڭ كوممۋنالدىق-تۇرعىن ءۇي قورىنان حالىقتىڭ الەۋمەتتىك وسال توبىن قۇرايتىن تىزىمدە تۇرعان ازاماتتارعا كەزەك تارتىبىمەن 2 000 ارەندالىق پاتەردى ۇسىنۋ جوسپارلانىپ وتىر. ايتا كەتەرلىگى، ءدال وسى كۇنى اۋدان اۋماعىندا تاپسىرىلعان 124 پاتەردىڭ 75ء-ى – ەكى بولمەلى، 49-ى – ءبىر بولمەلى. حالىقتىڭ الەۋمەتتىك وسال توبىنا جاتاتىن العاشقى بوپ پاتەر يەلەنگەندەردىڭ 35ء-ى – جەتىم بالا، 14ء-ى – ءى، ءىى توپتاعى مۇگەدەك، 8ء-ى – مۇگەدەك بالا تاربيەلەپ وتىرعان وتباسى، 4ء-ى – زەينەتكەر، 63ء-ى – تولىق ەمەس وتباسى.
«جىل سوڭىنا دەيىن كەزەكتە تۇرعان قالا تۇرعىندارىنا قالا اكىمىنىڭ تاپسىرماسىنا ساي، 2 000 پاتەر بەرۋ ۇسىنىلعان. سونىڭ 400ء-ى جەتىم بالالارعا بەرىلەدى. بۇگىن ۇسىنىلعان 124 پاتەر كىلتى ون جىلدان استام تۇرعىن ءۇي كەزەگىندە تۇرعان قالا تۇرعىندارى ىشىندەگى حالىقتىڭ الەۋمەتتىك وسال توپتارىنا تابىستالدى. ولاردىڭ باسىم بولىگى 2010-2011 جىلداردان بەرى كەزەكتە تۇرعان»، – دەپ مالىمدەدى الماتى قالالىق كوممۋنالدىق ينفراقۇرىلىمدى دامىتۋ باسقارماسى باسشىسىنىڭ ورىنباسارى عالىمجان ابدىشۇكىر ۇلى.