2024 جىلى 26 مامىردا اسا كورنەكتى عالىم، قازاق تاعامتانۋ اكادەمياسىنىڭ پرەزيدەنتى، قازاقستاننىڭ ەڭبەك ەرى تورەگەلدى شارمانوۆتى اقتىق ساپارعا شىعارىپ سالۋ ءراسىمى س.د. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىندە ءوتتى.
قارالى جيىندا اكادەميك قازاسىنا بايلانىستى پرەزيدەنت قاسىم-جومارت توقايەۆتىن جولداعان كوڭىل ايتۋ جەدەلحاتىن ق ر پارلامەنتى ءماجىلىسىنىڭ ءتوراعاسى ەرلان قوشانوۆ وقىدى.
كوڭىل ايتۋ حاتىندا تورەگەلدى شارمان ۇلى سانالى عۇمىرىن ۇلت دەنساۋلىعىنا ارناعان بىرەگەي تۇلعا، بيىك پاراسات يەسى بولعانى اتاپ وتىلگەن.
"سونداي اق، قازاق تاعامتانۋ عىلىمىنىڭ كوكجيەگىن كەڭەيتىپ، دۇنيەجۇزى ۇيىمى يۋنيسەف جانە باسقا دا حالىقارالىق ۇيىمدارمەن ىنتىماقتاستىق بايلانىس ورناتا ءبىلدى"، دەلىنگەن مەملەكەت باسشىسىنىڭ كوڭىل ايتۋ حاتىندا.
قارالى جيىنعا ۇكىمەت مۇشەلەرى، قالا اكىمى، پارلامەنت دەپۋتاتتارى مەن قوعام قايراتكەرلەرى، تورەگەلدى شارمانوۆتىڭ تۋعان-تۋىستارى قاتىستى. جينالعان جۇرت 94 جاسقا قاراعان شاعىندا ومىردەن وزعان اكادەميكتىڭ سانالى عۇمىرىندا ەل دامۋىنا قوسقان ۇلەسىن، قايراتكەرلىك قىرى، كاسىبي بىلىگى، ازاماتتىق كەلبەتىن ەسكە الىپ، جاقىن-جۋىعىنا كوڭىل ايتتى.
تورەگەلدى شارمانوۆ كەڭساي زيراتىنا جەرلەندى.