استانادا 2026 جىلى بيزنەستىڭ الەۋمەتتىك جاۋاپكەرشىلىگى جونىندەگى «پارىز» بايقاۋىنىڭ باستالدى، دەپ حابارلايدى aqshamnews.kz
ەلوردا اكىمدىگىنىڭ مالىمەتىنشە، بايقاۋ حالىقتىڭ ءال-اۋقاتىن ودان ءارى جاقسارتۋ ءۇشىن قوعام الدىنداعى وزدەرىنىڭ كورپوراتيۆتىك الەۋمەتتىك جاۋاپكەرشىلىگىن قالىپتاستىرۋعا جانە ارتتىرۋعا باعىتتالعان.
مەملەكەتتىڭ اكسيالارى، جارعىلىق كاپيتالدارىنداعى قاتىسۋ ۇلەسى 50 پايىزدان اساتىن ۇيىمدار بايقاۋعا قاتىسۋعا جىبەرىلمەيدى.
بايقاۋ ءتورت نوميناسيا بويىنشا وتەدى: 1) «ۇزدىك الەۋمەتتىك جاۋاپتى كاسىپورىن». بۇل نوميناسيادا ءوز پەرسونالىن قولداۋعا، مۇمكىندىگى شەكتەۋلى ادامداردى الەۋمەتتىك بەيىمدەۋگە جانە جالپى كوعامنىڭ ءال-اۋقاتىن جاقسارتۋعا باعىتتالعان الەۋمەتتىك باعدارلامالاردى (ەڭبەكاقىنى جانە الەۋمەتتىك تولەمدەردى تولەۋدى، كادرلاردى كاسىپتىك دايارلاۋ مەن قايتا دايارلاۋ جۇيەسىن ۇيىمداستىرۋ، مۇمكىندىگى شەكتەۋلى ادامداردى بارىنشا كوپ مولشەردە جۇمىسقا ورنالاستىرۋ جانە تاعى باسقالار) ىسكە اسىراتىن ۇمىتكەرلەردىڭ كىزمەتى قارالادى؛ 2) «ەڭبەكتى قورعاۋ سالاسىنداعى ۇزدىك كاسىپورىن». بۇل نوميناسيادا ەڭبەك كىزمەتى پروسەسىندە قىزمەتكەرلەردىڭ دەنساۋلىعىن ساقتاۋعا مۇمكىندىك بەرەتىن ەڭبەك جاعدايلارىن جاسايتىن ۇمىتكەرلەردىڭ قىزمەتى قارالادى؛ 3) «ۇزدىك ۇجىمدىق شارت». بۇل نوميناسيادا قازاقستان رەسپۋبليكاسىنىڭ زاڭناماسىندا كوزدەلگەن، قىزمەتكەرلەردىڭ ەڭبەك جانە الەۋمەتتىك قۇقىقتارىن ەداۋىر جاقسارتاتىن جانە نىعايتاتىن ۇجىمدىق شارتتار قارالادى؛ 4) «ەكولوگياعا قوسقان ۇلەسى ءۇشىن». بۇل نوميناسيادا قورشاعان ورتانىڭ، قالدىقتاردى كادەگە جاراتۋ مەن قايتا وڭدەۋدىڭ جاي-كۇيىن جاقسارتۋعا باعىتتالعان تابيعاتتى قورعاۋ (ەكولوگيالىق) باعدارلامالارىن، ءىس-شارالارىن جانە جوبالارىن ىسكە اسىرۋدا ەرەكشە كوزگە تۇسكەن ۇمىتكەرلەردىڭ قىزمەتى قارالادى.
وتىنىمدەردى قابىلداۋ 2026 جىلدىڭ 1 شىلدەسىنە دەيىن جۇرگىزىلەدى.
بايقاۋعا قاتىسۋ تەگىن. ۇمىتكەرلەر ءوز ماتەريالدارىن قاعاز تۇرىندە جانە ەلەكتروندى فورماتتا جولدايدى.
بايقاۋ جونىندە تولىق اقپاراتتى 55-68-34، 55-68-05، 55-68-11 (استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى)، 57-49-38، 57-49-35، 57-49-36 (مەملەكەتتىك ەڭبەك ينسپەكسياسى كوميتەتىنىڭ استانا قالاسى بويىنشا دەپارتامەنتى)، 55-75-74، 55-75-81 (استانا قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسى) تەلەفوندارى ارقىلى الۋعا بولادى.
مەكەنجايىمىز: استانا قالاسى، بەيبىتشىلىك كوشەسى، 9، 2-قابات، 220-كابينەت، ەل.پوشتا: a.nurekenova@astana.kz. a.adilbekov@astana.kz.
تولىق نۇسقاسىنا گيپەرسىلتەمە بەرۋدى ۇمىتپاڭىز: https://turkystan.kz/article/274632-paryz-2026-baiqauyna-otinim-qabyldau-bastaldy