پارتيا الاڭىندا الەۋمەتتىك كومەك كورسەتۋ ماسەلەلەرى تالقىلاندى

«AMANAT» پارتياسىنىڭ الماتى قالالىق فيليالى جانىنداعى وتباسى جانە حالىقتى الەۋمەتتىك قورعاۋ ماسەلەلەرى جونىندەگى قوعامدىق كەڭەسىنىڭ كەزەكتى وتىرىسى ءوتتى، دەپ حابارلايدى Almaty-akshamy.kz.
كۇن تارتىبىندەگى سۇراقتارعا بايلانىستى الەۋمەتتىك ءال-اۋقات باسقارماسىنىڭ باسشىسى ن.توعىزبايەۆا مەن ءبىلىم باسقارماسى باسشىسىنىڭ ورىنباسارى ب.مالعاجداروۆا قاتىستى.
وتىرىس بارىسىندا پارتيانىڭ الماتى قالالىق سايلاۋالدى باعدارلاماسىن ورىنداۋ جونىندەگى جول كارتاسىنىڭ ەكى تارماعى قارالىپ، «وتباسى ينستيتۋتى» بازاسىندا جاس انالارعا ارنالعان تەگىن قىسقا مەرزىمدى كۋرستاردى ىسكە اسىرۋ تۋرالى، 2022 جىلى قالالىق ينفراقۇرىلىمنىڭ بەيىمدەلگەن وبەكتىلەرىنىڭ ۇلەسىن 61،1%-عا دەيىن ۇلعايتۋ سىندى ءبىرقاتار وزەكتى سۇراقتار بويىنشا جاۋاپتى باسقارمالاردىڭ ەسەبى تىڭدالدى. 
حالىقتىڭ الەۋمەتتىك وسال توپتارىنا مەملەكەت تاراپىنان كورسەتىلەتىن الەۋمەتتىك كومەكتەر مەن جاردەماقىلار تۋرالى جانە الماتى قالاسى بويىنشا «AMANAT» پارتياسىنىڭ سايلاۋالدى باعدارلاماسىن ورىنداۋ جونىندەگى جول كارتاسىنىڭ 125،                     175 تارماقتارىنىڭ ورىندالۋ بارىسى تۋرالى الماتى قالاسى الەۋمەتتىك ءال-اۋقات باسقارماسىنىڭ باسشىسى ن.توعىزبايەۆا ەسەپ بەردى.  
اعىمداعى جىلدىڭ 1 ماۋسىمىنا الەۋمەتتىك تولەمدەردىڭ             18 تۇرىمەن 2،6 ملرد. تەڭگەگە 48،8 مىڭ ادام قامتىلسا، 21،5 ملن. تەڭگەگە 1 240 وتباسى تۇرعىن ءۇي كومەگىن الدى. تولەمنىڭ باسقا تۇرلەرىمەن 1،4 ملرد.تەڭگەگە 22 026 ادام قامتىلدى.
«AMANAT» پارتياسىنىڭ وزگەرىستەر جولى: اركىمگە لايىقتى ءومىر!» 2021-2025 جىلدارعا ارنالعان سايلاۋالدى باعدارلاماسىن ورىنداۋ جونىندەگى جول كارتاسى اياسىندا اۋداندىق اكىمدىكتەر قالىپتاستىرىلعان نىساندار تىزىمىنە سايكەس بۇرىن جارتىلاي بەيىمدەلگەن نىسانداردى تولىق بەيىمدەۋ جۇمىستارىن جۇرگىزۋدە. بۇگىنگى كۇنى مۇگەدەكتىگى بار ادامدار جانە حالىقتىڭ ءجۇرىپ-تۇرۋى شەكتەۋلى باسقا دا توپتارى ءۇشىن ولاردىڭ قولجەتىمدىلىگى تۇرعىسىنان تۇگەندەۋگە جانە بەيىمدەۋگە جاتاتىن وبەكتىلەردىڭ تىزبەسى بەكىتىلدى.
 جيىندا الماتى قالاسى ءبىلىم باسقارماسى باسشىسىنىڭ ورىنباسارى ب.مالعاجداروۆا ءبىلىم بەرۋ ۇيىمدارىنىڭ تاربيەلەنۋشىلەرىن قوسىمشا ءبىلىم بەرۋمەن جانە سپورت سەكسيالارىمەن قامتاماسىز ەتۋ بارىسى بويىنشا بايانداپ بەردى.  
         ءبىلىم باسقارماسىمەن قوسىمشا ءبىلىم بەرۋگە مەملەكەتتىك تاپسىرىستى ورنالاستىرۋ ءۇشىن 5000 ورىنعا 991،700 ملن تەڭگە بولىنگەن.  
كەڭەس وتىرىسىن قورىتىندىلاعان ءتورايىم، دەپۋتات ر.شيماشيەۆا  جيىن بارىسىندا ماڭىزدى ماسەلەلەردىڭ قارالعانىن اتاپ، ايتىلعان ۇسىنىستاردىڭ رەسپۋبليكالىق قوعامدىق كەڭەسىنە  جانە مەملەكەتتىك ورگاندارعا ءتيىستى شەشىم شىعارۋ ءۇشىن جولداناتىنىن مالىمدەدى.