«الاۋ» وڭالتۋ ورتالىعىنىڭ دارىگەرى بالالارداعى ماۋسىمدىق اللەرگيانىڭ ەرەكشەلىكتەرى تۋرالى ايتتى

ءسابيدىڭ اتا-اناسىنىڭ بىرەۋى عانا مۇنداي دەرتپەن اۋىراتىن بولسا، سىرقات بالاعا تەك 30 پايىز بەرىلەدى.

دارىگەر اللەرگيانىڭ تۇقىم قۋالايتىن جانە جۇرە پايدا بولۋى مۇمكىن ەكەنىن ءتۇسىندىردى، دەپ حابارلايدى Almaty-akshamy.kz

«كلينيكالىق زەرتتەۋلەر كورسەتكىشى بويىنشا تورت-بەس جاستاعى بالالاردا اللەرگيالىق كورىنىستەردىڭ كوپشىلىگى «ەرەسەكتەردىڭ» يممۋنيتەتىنىڭ قالىپتاسۋى اياسىندا وتەتىندىگىن كورسەتتى. ەرتە جاستاعى بالالار يممۋنيتەتىنىڭ جەتىلمەگەندىگىنە بايلانىستى ماۋسىمدىق اللەرگيانى اۋىر قابىلدايدى. ءبىراق ءبارى بىردەي شىنايى اللەرگياعا اينالمايدى»، - دەدى دارىگەر نۇرعايشا داۋلەتياروۆا.

مىسالى: وتباسىندا اللەرگياسى بار ادام بولسا، بالانىڭ دا وسى اۋرۋعا شالدىعۋ ءقاۋپى جوعارى. ءسابيدىڭ اتا-اناسىنىڭ بىرەۋى عانا مۇنداي دەرتپەن اۋىراتىن بولسا، سىرقات بالاعا تەك 30 پايىز بەرىلەدى. ال ەكەۋى دە اللەرگيامەن اۋىراتىن بولسا، ونىڭ ۇلەسى ەكى ەسە ارتادى.

دارىگەر اللەرگيانىڭ تۇقىم قۋالايتىن جانە جۇرە پايدا بولۋى مۇمكىن ەكەنىن ءتۇسىندىردى.

دارىگەر اللەرگيا كەز-كەلگەن جاستاعى ادامدا، ءتىپتى بۇرىن اللەرگيا بولماعان زاتتارعا دا اللەرگيا بولۋى مۇمكىن ەكەنىن ايتادى.

بۇل يممۋندىق جۇيەگە بايلانىستى. بارلىق اللەرگەندەر انتيگەندەر بولىپ سانالادى جانە ادام اعزاسىنا انتيگەننىڭ ءار اسەرىمەن انتيدەنەلەر پايدا بولادى. دەنەدەگى انتيدەنەلەردىڭ جەتكىلىكتى مولشەرىمەن تيتر جوعارىلايدى، سودان كەيىن اللەرگيانىڭ العاشقى بەلگىلەرى پايدا بولۋى مۇمكىن.