باس پروكۋرور بەرىك اسىلوۆتىڭ اۋىزشا جاۋابى تىڭدالىپ جاتىر.
بۇگىن پارلامەنت ءماجىلىسىنىڭ جالپى وتىرىسىندا «جاڭا قازاقستان» دەپۋتاتتىق توبىنىڭ قاڭتار وقيعاسىنا قاتىستى ساۋالىنا ق ر باس پروكۋرورى بەرىك اسىلوۆتىڭ اۋىزشا جاۋابى تىڭدالىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وسىدان تۋرا ءبىر جىل بۇرىن قاسىرەتتى قاڭتار وقيعاسى كەزىندە جازىقسىز جاندار قازا بولدى. بۇگىنگى جالپى وتىرىسىمىزدى قاڭتار قۇرباندارىن ءبىر مينۋت ۇنسىزدىكپەن ەسكە الۋدان باستاۋدى ۇسىنامىن»، - دەدى ءماجىلىس ءتوراعاسى ەرلان قوشانوۆ.
بۇدان بۇرىن حابارلانعانداي، بۇگىن پارلامەنت ماجىلىسىندە قاڭتار وقيعاسىنا قاتىستى باس پروكۋراتۋرا، ىشكى ىستەر مينيسترلىگى جانە قورعانىس مينيسترلىگى ارنايى كورمە ۇيىمداستىردى.
اتاپ ايتقاندا، بىلتىر قاڭتاردا پوليسيا دەپارتامەنتتەرىنەن، قارۋ-جاراق دۇكەندەرىنەن ۇرلانعان قارۋ مەن ءوق-دارى جانە باسقا دا زاتتار كورمەگە جەتكىزىلگەن. بۇل قارۋ-جاراقتىڭ بارلىعى جاپپاي تارتىپسىزدىككە قاتىسقان ادامداردان تاركىلەنگەن بولاتىن.