ITء-بىلىم بەرۋدى قولداۋعا ەرەكشە نازار اۋدارىلعان.
قازاقستاندا ITء-بىلىم بەرۋدى قولداۋعا ەرەكشە نازار اۋدارىلعان. بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين جەلىدە جازدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«Tech Orda باعدارلاماسى اياسىندا 3 مىڭنان استام قازاقستاندىق ستۋدەنت IT-ماماندىقتار بويىنشا ءبىلىم الىپ جاتىر. ولار قازىرگى ۋاقىتتا 49 جەكەمەنشىك IT-مەكتەپتەردە وقۋدا. وقىتۋ ۇزاقتىعى 6 ايدان 2 جىلعا دەيىن سوزىلادى. بۇل باعدارلاما بويىنشا ءىت-مامانداردىڭ ءبىرىنشى لەگى 2023 جىلدىڭ ورتاسىنا قاراي دايىن بولادى. وسىلايشا، ءبىز 2025 جىلعا قاراي 100 مىڭ IT-مامان دايارلايتىن بولامىز. ونىڭ 20 مىڭى - Tech Orda باعدارلاماسى بويىنشا جۇزەگە اسادى.Tech Orda باعدارلاماسى Astana Hub اينالىساتىن بارلىق باسىم سەكتورلاردى قامتيدى - ۆەب-ازىرلەۋ، 3D-ديزاين، باعدارلامالىق جانە اپپاراتتىق قۇرالدار جاساۋ، ءموبيلدى قوسىمشالار ازىرلەۋ، Big Data، Blockchain جانە ت.ب. وقىتۋ قازاق، ورىس جانە اعىلشىن تىلدەرىندە جۇرگىزىلەدى»، - دەپ جازدى مينيستر.
ونىڭ ايتۋىنشا ەل ايماقتارىندا ITء-بىلىم بەرۋدى قولداۋعا ەرەكشە نازار اۋدارىلعان.
«وڭىرلەردە 17 IT-مەكتەپ (بۇل IT مەكتەپتەردىڭ 35%-ىن قۇرايدى) اشىلدى. مەكتەپتەر اقتاۋ، اقتوبە، اتىراۋ، قاراعاندى، قىزىلوردا، پاۆلودار، سەمەي، ورال، شىمكەنت قالالارىندا ورنالاسقان. بيىلعى جىلى IT مەكتەپتەرگە وقۋعا نيەت بىلدىرگەن ستۋدەنتتەردەن 16 مىڭعا جۋىق ءوتىنىش كەلىپ ءتۇستى. ناتيجەسىندە 3 068 ستۋدەنت IT سالاسىندا كاسىبي دامۋى ءۇشىن ءبىلىم الۋدى باستادى»، - دەپ تولىقتىردى ب.مۋسين.