قورعانىس مينيسترلىگىنىڭ قوسىمشا ءبىلىم بەرۋ مەكەمەسى KAZCENT-تە ءمينيستردىڭ ورىنباسارى گەنەرال-لەيتەنانت سۇلتان كامالەتدينوۆ ماجىلىسمەندەرمەن كەزدەستى، دەپ حابارلايدى almaty-akshamy.kz
ورتالىقپەن تانىسۋ كونفەرەنس-زال مەن وقۋ كورپۋسىنان باستالدى. پارلامەنت ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتورايىمى ايگۇل قۇسپان مەن دەپۋتات كونستانتين اۆەرشينگە KAZCENT قىزمەتىنىڭ نەگىزگى باعىتتارى تۋرالى ايتىلدى.
ق ر قورعانىس مينيسترلىگى بىتىمگەرلىك وپەراسيالار ورتالىعىنىڭ باستىعى پولكوۆنيك باۋىرجان نىعمەتۋللين بىتىمگەرلىك قىزمەتتى ودان ءارى دامىتۋ جانە كەڭەيتۋ تۋرالى بريفينگ وتكىزدى. ول قازاقستاندىق بىتىمگەرلەر قاتىساتىن ميسسيالاردان حاباردار ەتىپ، سۇراقتارعا جاۋاپ بەردى.
– ورتالىقتىڭ قىزمەتى بۇۇ اياسىنداعى ميسسيالارعا قاتىسۋ ءۇشىن قارۋلى كۇشتەردىڭ الەۋەتىن ارتتىرۋ مىندەتىن قويعان مەملەكەت باسشىسىنىڭ تاپسىرمالارىن ورىنداۋ ماقساتىندا جۇرگىزىلەدى. سوندىقتان اسكەري قىزمەتشىلەردىڭ بىتىمگەرلىك جانە تىلدىك دايىندىعىنا اسا مۇقيات قارايمىز، – دەدى باۋىرجان نىعمەتۋللين.
«بىتىمگەر» وقۋ ورتالىعىنا بارعان كەزدە ماجىلىسمەندەر بۇۇ-نىڭ ميسسيالارىنا قاتىساتىن ۇلتتىق كونتينگەنتتى بىتىمگەرلىككە دايارلاۋ ۇدەرىسىمەن، اسكەري قىزمەتشىلەردى قارۋ-جاراقپەن، اسكەري تەحنيكامەن جانە مۇلىكپەن جاراقتاندىرىلۋىمەن تانىستى.