پاركينگتەردە ەلەكتروموبيلدەردى زاريادتاۋ ستانسيالارىن پايدالانۋعا جول بەرىلمەيدى
توتەنشە جاعدايلار مينيسترلىگى ازاماتتاردىڭ ەلەكتروموبيلدەر مەن ولاردى زاريادتاۋ ستانسيالارىنىڭ ورنالاسۋى تۋرالى كوپتەگەن وتىنىشتەرىن ەسكەرە وتىرىپ، ءبىزدىڭ ەلدە ولارعا قويىلاتىن تالاپتاردىڭ جوقتىعىنا الاڭداۋدا.
بۇل فاكت بارلىق مۇددەلى مەملەكەتتىك ورگاندار تاراپىنان ەرەكشە نازار اۋدارۋدى تالاپ ەتەدى. ويتكەنى سوڭعى ۋاقىتتا بۇكىل الەمدەگىدەي ءبىزدىڭ ەلىمىزدە دە ەلەكتروموبيلدەرگە سۇرانىس ارتىپ كەلەدى، دەپ حابارلايدى Almaty-akshamy.kz ق ر توتەنشە جاعدايلار مينيسترلىگىنە سىلتەمە جاساپ.
ىشكى ىستەر مينيسترلىگىنىڭ مالىمەتىنە سايكەس اعىمداعى جىلدىڭ 25 قىركۇيەگىندەگى احۋال بويىنشا رەسپۋبليكا اۋماعىندا 6،5 مىڭنان استام ەلەكتروموبيل پايدالانىلۋدا.
بۇل رەتتە ەلەكتروموبيلدەرگە ورناتىلعان باتارەيالار ەلەكتر قۋاتىن ءجيى زاريادتاۋدى قاجەت ەتەدى. بۇگىنگى تاڭدا ەلىمىزدە تۇرعىن جانە قوعامدىق عيماراتتاردىڭ اۆتوتۇراقتارى مەن پاركينگتەرىندە زاريادتاۋ ستانسيالارىنىڭ بەلسەندى ورناتىلىپ جاتقانى بايقالادى.
سونىمەن قاتار، تجم ەلەكتروموبيلدەردە ورناتىلعان ليتيي-يوندى اككۋمۋلياتورلاردىڭ ءورت ءقاۋىپتى سيپاتتامالارىنا نازار اۋدارادى. ەلەكتروموبيلدەردەگى ءورتتى ءسوندىرۋدىڭ شەتەلدىك تاجىريبەسى ليتيي-يوندى باتارەيالاردىڭ تۇيىقتالۋى، ىستەن شىعۋى، وزدىگىنەن تۇتانۋى جانە جارىلۋى مۇمكىن ەكەنىن كورسەتەدى.
وسىعان بايلانىستى، تجم ەلەكتروموبيلدەر مەن ولاردىڭ زاريادتاۋ ستانسيالارىن ورنالاستىرۋ جونىندەگى حالىقارالىق تاجىريبەنى زەردەلەي وتىرىپ، زاريادتاۋ ستانسيالارىنىڭ ورنالاسقان ورنىنا، ورنالاستىرىلاتىن ەلەكتروموبيلدەر مەن زاريادتاۋ ستانسيالارىنىڭ سانىنا قويىلاتىن تالاپتاردى، ەڭ از اراقاشىقتىق جانە ت. ب. بەلگىلەۋ بولىگىندە ساۋلەت، قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتەرگە وزگەرىستەر ەنگىزۋ قاجەتتىگىن اتاپ ءوتتى. ەلەكتر كولىگىن پايدالانۋدىڭ پراكتيكالىق تاجىريبەسىن زەرتتەۋ ءۇشىن جۇڭگو مەن تۇركياعا قوسىمشا سۇرانىستار جىبەرىلدى.
تجم ساۋلەت جانە قالا قۇرىلىسى ىستەرى جونىندەگى ۋاكىلەتتى ورگاننىڭ اتىنا ءتيىستى تالاپتاردى مەملەكەتتىك نورماتيۆتەردە بەلگىلەۋ قاجەتتىلىگى تۋرالى حات جولداعانىن اتاپ وتەمىز.
وسىعان بايلانىستى، تجم ءارتۇرلى ماقساتتاعى عيماراتتارىندا ەلەكتروموبيلدەرگە ارنالعان زاريادتاۋ ستانسيالارىن ورنالاستىرۋعا جول بەرۋ بولىگىندە مەملەكەتتىك نورماتيۆتەرگە قاجەتتى تالاپتاردى زاڭنامالىق رەتتەۋدەن جانە ولار ەنگىزىلگەننەن كەيىن قابىلدانعان تۇزەتۋلەرگە سايكەستىككە كەلتىرۋ ماقساتىندا ءورت قاۋىپسىزدىگى قاعيدالارىنىڭ تالاپتارى قايتا قارايتىنىن حابارلايمىز.
جوعارىدا ايتىلعانداردى ەسكەرە وتىرىپ، ءتيىستى نورماتيۆتىك قۇقىقتىق اكتىلەر قابىلدانعانعا دەيىن بوكستاردا، پاركينگتەردە، كولىك قۇرالدارىن قويۋعا ارنالعان ءۇي-جايلاردا، وندىرىستىك گاراجداردىڭ ءۇي-جايلارىندا، شاتىرلاردىڭ استىندا جانە ەلەكتروموبيلدى زاريادتاۋعا ارنالعان كولىكتى ساقتاۋ اشىق الاڭدارىندا اينىمالى توكتىڭ زاريادتاۋ ستانسيالارىن پايدالانۋعا جول بەرىلمەيدى.