ۇستەل تەننيسىنەن ۇلتتىق قۇراما كوشباسشىسى كيريلل گەراسيمەنكو پاريج وليمپياداسىنىڭ 1/16 اينالىمىندا دان سيۋدان جەڭىستى جۇلىپ الدى.
وتانداسىمىز بەن گەرمانيالىق ويىنشى اراسىنداعى ماچ 4-3 ەسەبىمەن اياقتالدى (6:11، 11:6، 11:13، 5:11، 11:5، 11:9، 11:6). كيريلل ويىن بارىسىندا 1-3 ەسەبىمەن جەڭىلىپ تۇردى. وسى كەزدە جيناقىلىق تانىتىپ، كەلەسى كەزەڭ جولداماسىنا يەلىك ەتتى، دەپ حابارلايدى aqshamnews.kz تۋريزم جانە سپورت مينيسترلىگىنە سىلتەمە جاساپ.
دان – 2022 جىلعى ەۋروپا چەمپيونى. ونىڭ اتا-اناسى كەزىندە ۇستەل تەننيسىمەن كاسىبي دەڭگەيدە ويناپ، وتكەن عاسىردىڭ اياعىندا قىتايدان گەرمانياعا قونىس اۋدارعان.
ايتا كەتەيىك، 27 جاستاعى سپورتشىمىز كەلەسى كەزەڭدە مىسىر/ەكۆادور وكىلىمەن وينايدى. ول ريوداعى ويىنداردا ءبىرىنشى كەزەڭنەن وتە الماسا، توكيودا ءبىر ويىننان كەيىن جارىستى اياقتاعان.