قازاقستاندىق بوكسشى قامشىبەك قوڭقابايەۆ پاريج وليمپياداسىنداعى العاشقى جەكپە-جەگىندە جەڭىلىپ قالدى.
قوڭقابايەۆ 2023 جىلعى الەم چەمپيوناتىنىڭ قولا جۇلدەگەرى، يسپانيالىق ايۋب گادفا دريسسيگە ەسە جىبەردى، دەپ حابارلايدى aqshamnews.kz.
العاشقى راۋندتا قامشىبەك 3:2 ەسەبىمەن العا شىققان. ەكىنشى كەزەڭدە تورەشىلەر 4:1 ەسەبىمەن جەڭىستى قارسىلاسقا بەردى.
ال سوڭعى، شەشۋشى راۋندتا جەڭىس قازاق بوكسشىسىنا بەرىلگەنىمەن، جالپى جەكپە-جەكتە جەڭىس يسپاندىق بوكسشىنىڭ ەنشىسىندە كەتتى.
وسىلايشا، دريسسي شيرەك فينالعا ءوتتى. بۇعان دەيىن قازاقستاندىق اسلانبەك شىمبەرگەنوۆ جارىستى اياقتاعان بولاتىن.