جۋرناليستەر كۇنىنە وراي پارلامەنت سەناتى ۇيىمداستىراتىن ءداستۇرلى «پاراسات» بايقاۋىنا وتىنىمدەر قابىلداۋ باستالدى.
بايقاۋعا مەملەكەت باسشىسىنىڭ رەفورمالارىنىڭ ءمانى مەن ولاردىڭ ىسكە اسىرىلۋىن زاڭنامالىق تۇرعىدان قامتاماسىز ەتۋ جۇمىستارىن حالىققا جەتكىزىپ، ناسيحاتتاپ جۇرگەن جۋرناليستەر، شىعارماشىلىق ۇجىمدار جانە بلوگەرلەر قاتىسا الادى.
ماتەريالدار 10 ماۋسىمعا دەيىن قابىلدانادى. جەڭىمپازدار تەليەۆيزيا، راديو، باسپا ءسوز، ينتەرنەت-باسىلىم جانە الەۋمەتتىك جەلى باعىتتارى بويىنشا انىقتالادى. سونداي-اق ۇزدىك تالدامالىق جۇمىسقا دا ارناۋلى سىيلىق بەرىلەدى.
جۇمىستاردى قاراپ، ساراپتاۋ ءۇشىن كونكۋرستىق كوميسسيا قۇرىلدى. ونىڭ قۇرامىندا وتاندىق مەديا سالاسىندا ايقىن قولتاڭباسىن قالدىرعان سەناتورلار – نۇرتورە ءجۇسىپ، دارحان ءقىدىرالى، بيبىگۇل جەكسەنباي، ايگۇل قاپباروۆا، اسەم راحمەتوۆا جانە تاعى باسقا ارىپتەستەر بار.
داستۇرگە ساي لاۋرەاتتار بۇقارالىق اقپارات قۇرالدارى قىزمەتكەرلەرىنىڭ كاسىبي مەرەكەسى قارساڭىندا ماراپاتتالادى.
وسىعان بايلانىستى وتاندىق ب ا ق وكىلدەرىن بايقاۋعا قاتىسۋعا شاقىرامىز.
تولىق اقپاراتتى سەنات سايتىنان بىلە الاسىزدار: https://senate.parlam.kz/kk-KZ/contests/parasa