پرەزيدەنت بالا قۇقىقتارى جونىندەگى ۋاكىل دينارا زاكييەۆانى قابىلدادى، دەپ حابارلايدى aqshamnews.kz
زاكييەۆا بيىل 13 وڭىردەگى جانە 73 ەلدى مەكەندەگى احۋالعا مونيتورينگ جۇرگىزىلگەنىن، سونىڭ ىشىندە 272 مەكەمەدەگى بالالارعا جاسىرىن ساۋالناما جاسالعانىن، 173 وتباسىندا تاربيەلەنىپ جاتقان جەتكىنشەكتەردىڭ جاعدايىمەن تانىسقانىن ايتتى. تەكسەرىس قورىتىندىسى بويىنشا بالا قۇقىقتارىن قورعاۋعا قاتىستى قابىلدانعان زاڭ نورمالارىن بۇزعان 171 دەرەك انىقتالعان.
تۇرمىستىق زورلىق-زومبىلىقتىڭ الدىن الۋ مەن بالالار قۇقىعىن قورعاۋ ماقساتىندا اشىلعان 112 وتباسىلىق قولداۋ ورتالىعىنىڭ ءتيىمدى جۇمىس ىستەپ جاتقانى ايتىلدى.
وبلىس اكىمدىكتەرى جانىنان بالا قۇقىقتارىن قورعاۋ جونىندەگى باسقارما قۇرۋ جۇمىستارى قولعا الىندى.
قازىرگى كەزدە «قازاقستان حالقىنا» قورى سەرىكتەستەرىمەن بىرگە 49 وڭالتۋ ورتالىعىن اشتى.
پرەزيدەنت جەتكىنشەكتەردى جان-جاقتى قولداۋ تەتىگىن قالىپتاستىرۋ ءۇشىن جەرگىلىكتى اتقارۋشى ورگاندار مەن وڭىرلىك ۋاكىلدەردىڭ كۇش-جىگەرىن جۇمىلدىرۋ ماڭىزدى ەكەنىنە نازار اۋداردى؛
مەكتەپتەردەگى ينكليۋزيۆتى ءبىلىم بەرۋ ءىسىن دامىتۋدى تاپسىردى.