قازاقستاننىڭ سىبايلاس جەمقورلىققا قارسى ساياساتىنىڭ كونسەپسياسى شەڭبەرىندە زاڭنامالىق اكتىلەرگە جانە اكىمشىلىك قۇقىق بۇزۋشىلىق تۋرالى كودەكسكە وزگەرىستەر مەن تولىقتىرۋلار ەنگىزۋ جوسپارلانىپ وتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
اتاپ ايتقاندا، ادامداردى قوسۋدىڭ جانە ودان شىعارۋدىڭ ناقتى تەتىكتەرىن ايقىنداي وتىرىپ، جۇيەگە سىبايلاس جەمقورلىق جاساۋشىلاردىڭ جاريا ءتىزىمىن ەنگىزۋ كوزدەلىپ وتىر. مەملەكەتتىك قىزمەت پەن كۆازيمەملەكەتتىك سەكتوردا مۇددەلەر قاقتىعىسىن انىقتاۋ جانە رەتتەۋ رەگلامەنتتەلمەك.
پارا بەرۋ تۋرالى ۋادە نەمەسە ۇسىنىس ءۇشىن قىلمىستىق جاۋاپكەرشىلىك ەنگىزۋ جوسپارلانىپ وتىر. سونداي-اق، سىبايلاس جەمقورلىققا قارسى ءىس-قيمىل بويىنشا شارالار قابىلداماعانى ءۇشىن جاۋاپكەرشىلىكتىڭ قۇقىقتىق تەتىكتەرىن جەتىلدىرۋ، سىبايلاس جەمقورلىق قۇقىق بۇزۋشىلىقتار جاساعانى ءۇشىن زاڭدى تۇلعالاردىڭ جاۋاپكەرشىلىگىن كۇشەيتۋ، سىبايلاس جەمقورلىق اكىمشىلىك قۇقىق بۇزۋشىلىقتار ءۇشىن ەسكىرۋ مەرزىمىن ۇلعايتۋ، اقبتك-نىڭ كەيبىر باپتارىن اكىمشىلىك سىبايلاس جەمقورلىق قۇقىق بۇزۋشىلىقتارعا جاتقىزۋ، حالىقارالىق كوممەرسيالىق مامىلەلەردى جۇزەگە اسىرۋ كەزىندە شەتەلدىك لاۋازىمدى تۇلعالاردى پاراعا ساتىپ الۋعا قارسى كۇرەس جونىندەگى كونۆەنسياعا قوسىلۋ ماقساتىندا اقبتك-گە تۇزەتۋلەر ەنگىزۋ جوسپارلانعان.
«كورسەتىلگەن كونسۋلتاتيۆتىك قۇجاتتار 13 مامىردا جاريا تالقىلاۋ ءۇشىن «اشىق نقا» ينتەرنەت-پورتالىندا، سونداي-اق اگەنتتىكتىڭ ينتەرنەت-رەسۋرسىندا ورنالاستىرىلادى. كونسۋلتاتيۆتىك قۇجاتتاردى تالقىلاۋ مەرزىمى ون بەس جۇمىس كۇنىن قۇرايدى جانە اعىمداعى جىلدىڭ 2 ماۋسىمىنا دەيىن جالعاسادى»، - دەپ جازادى انتيكور.
اگەنتتىك كونسۋلتاتيۆتىك قۇجاتتاردى كوپشىلىك الدىندا تالقىلاۋعا بەلسەندى قاتىسۋدى سۇرايدى. ايتا كەتسەك، سىبايلاس جەمقورلىق تۋرالى حابارلاعاندار 12 ملن تەڭگەگە دەيىن سىياقى الادى.