وسى كۇزدە ەلدە پاپيللوما ۆيرۋسىنا قارسى ەكپە ەگۋ ناۋقانى باستالادى.
بۇل شارا يممۋنداۋ جونىندەگى ۇلتتىق جوسپارعا دا ەنگىزىلەدى دەپ كۇتىلۋدە، دەپ حابارلايدى اlmaty-akshamy.kz 24.kz-كە سىلتەمە جاساپ. ەكپە قىزدارعا تەك اتا-انالارىنىڭ رۇقساتىمەن عانا ەگىلەدى. يممۋنداۋ شاراسىنا دەنساۋلىق ساقتاۋ مينيسترلىگى امەريكالىق 4 ۆالەنتتى «گارداسيل» ۆاكسيناسىن ساتىپ الۋدى جوسپارلاپ وتىر.
«جالپى قازاقستاندا جىل سايىن جاتىر مويىنى وبىرى سالدارىنان 600 ايەل كوز جۇمادى. قاتەرلى ىسىكتىڭ پايدا بولۋىنا وسى ادام پاپيللوما ۆيرۋسى باستى سەبەپكەر»، - دەيدى دارىگەرلەر.
زايتۋنا حاميدۋللينا، قالالىق دەنساۋلىق ساقتاۋ باسقارماسىنىڭ شتاتتان تىس باس اكۋشەر-گينەكولوگى: - ۆاكسينا بىزگە جاتىر مويىنى وبىرىنىڭ الدىن الۋعا كومەكتەسەدى. ەگەر قىزدار ادام پاپيللوما ۆيرۋسىنا شالدىقسا، ول ەشبىر ادىسپەن ەمدەلمەيدى. سوندىقتان وسى ەكپە ارقىلى ونىڭ الدىن العان ماڭىزدى. يممۋنداۋ كەزىندە 9 بەن 14 جاس ارالىعىنداعى قىزداردى ۆاكسيناسيالاۋ جوسپارلانعان. ول تەگىن بولادى.