كوروناۆيرۋس بالالاردىڭ مىنەز-قۇلقىنا كەرى اسەر ەتۋدە
كوروناۆيرۋستىڭ سالدارى ۇزاق جىلدارعا دەيىن ساقتالۋى مۇمكىن. يۋنيسەف ۇيىمى وسىنداي قورىتىندى جاسادى، دەپ حابارلايدى Almaty-akshamy.kz «حابار 24»-كە سىلتەمە جاساپ.
قۇجاتقا سايكەس، كەيىنگى 18 اي بالالار ءۇشىن وڭايعا سوقپاعان. ويتكەنى شەكتەۋ شارالارى ولاردى ۇيرەنشىكتى ءومىر سالتىن وزگەرتۋگە ءماجبۇر ەتتى. دوستارى مەن جاقىندارىنان الشاقتادى. سونداي-اق جاسوسپىرىمدەر اراسىندا كوروناۆيرۋسقا بايلانىستى وتباسىنىڭ اماندىعى مەن وزدەرىنىڭ بولاشاعى ءۇشىن الاڭدايتىندار از ەمەس. ەندى ماماندار بالالاردىڭ دەنساۋلىعىمەن قاتار پسيحيكاسىنا دا كوپ كوڭىل بولۋگە شاقىرىپ وتىر.
جالپى، لوندون ەكونوميكا مەكتەبى وكىلدەرى جاستاردىڭ پسيحيكالىق اۋىتقۋلارى سالدارىنان جىل سايىن كەلتىرىلەتىن ماتەريالدىق شىعىندى 390 ميلليارد دوللار دەپ باعالاعان.