وتكەن جىلى رەسپۋبليكادا 403،9 مىڭ نارەستە دۇنيەگە كەلدى
ەلىمىزدە سوڭعى 20 جىلدا جاڭا تۋعان ءسابي سانى العاش رەت ءبىر جىلدا 9،5%-عا تومەندەدى، دەپ جازادى Almaty-akshamy.kz ranking.kz پورتالىنا سىلتەمە جاساپ.
رەسۋرستىڭ جازۋىنشا، 2020-2021 جىلدارداعى پاندەميا كەزەڭىندە تۋۋ كورسەتكىشى جوعارى بولعان.
بىلتىرعى ستاتيستيكاعا سايكەس، جاڭا تۋعان نارەستەلەر سانى بويىنشا تۇركىستان وبلىسى كوش باستادى. وڭىردە بىلتىر 58،2 مىڭ نارەستە دۇنيەگە كەلدى. ۇزدىك ۇشتىك قاتارىندا الماتى قالاسى مەن الماتى وبلىسى بار.
2023 جىلدىڭ ءۇش ايىندا رەسپۋبليكادا 93،5 مىڭ ءسابي ومىرگە كەلگەن.
"بالا تۋۋ كورسەتكىشى بويىنشا قازاقستان وڭىرلەرىن ەكى ساناتقا بولۋگە بولادى: جوعارى كورسەتكىشتەر تىركەلەتىن وڭتۇستىك پەن باتىس، جاڭا تۋعان نارەستە سانى ايتارلىقتاي از سولتۇستىك، شىعىس جانە ورتالىق وڭىرلەر. رەسپۋبليكاداعى بالا تۋۋ كورسەتكىشىنىڭ تومەندەۋى نارەستە بۋمىنان كەيىنگى كەرى كەتۋدەن بولەك، ءبىرقاتار الەۋمەتتىك جانە دەموگرافيالىق فاكتورعا بايلانىستى. بىرىنشىدەن، بىلتىر ەلدە نەكەگە تۇرۋ كورسەتكىشى 8%-دان استامعا ازايدى. ەكىنشىدەن، ۋربانيزاسياعا جانە ەلدەگى ايەلدەردىڭ الەۋمەتتىك ءرولىنىڭ بىرتىندەپ وزگەرۋىنە بايلانىستى ولاردىڭ ءبىرىنشى نەكەگە تۇرۋ جاسى ارتىپ وتىر"، - دەلىنگەن ماتەريالدا.
وعان سايكەس، ەلدەگى ەڭبەككە تارتىلعان ايەلدەردىڭ ورتاشا جاسى 2022 جىلدىڭ سوڭىنا قاراي 31،5 جاستى قۇراعان. قالالىق جەرلەردە بۇل كورسەتكىش ودان دا جوعارى بولدى: 2022 جىلى – 31،9 جاس، دەپ جازدى inbusiness.kz.
"ۇلكەن قالالاردا ايەلدەر ودان ءبىرشاما جوعارى جاستا بوسانادى: استانادا – 32،5 جاستا، الماتىدا – 32،3 جاستا"، - دەپ جازىلعان اقپاراتتا.