تابىسى ەڭ تومەن وڭىرلەر – تۇركىستان وبلىس جانە شىمكەنت قالاسى.
ەڭ جوعارى كورسەتكىش اتىراۋ وبلىسىندا (215 076 تەڭگە)، ەڭ تومەنى تۇركىستان وبلاسىندا (63 443 تەڭگە) تىركەلدى، دەپ حابارلايدى Almaty-akshamy.kz inbusiness.kz-كە سىلتەمە جاساپ.
ۇلتتىق ستاتيستيكا بيۋروسىنىڭ دەرەگىنشە، 2020 جىلى جان باسىنا شاققانداعى ورتاشا اتاۋلى تابىسى 116 مىڭ تەڭگە بولعان.
«تۇتىنۋ تاۋارلارى مەن كورسەتىلەتىن قىزمەت باعاسى 6،8% وسكەندە حالىقتىڭ ناقتى تابىسى وتكەن جىلمەن سالىستىرعاندا 4،3% ارتتى. 2020 جىلى حالىقتىڭ جان باسىنا شاققانداعى اتاۋلى اقشالاي تابىسىنىڭ ەڭ جوعارى ءمانى اتىراۋ وبلىسىندا تىركەلدى. وندا بۇل كورسەتكىش ورتاشا رەسپۋبليكالىق دەڭگەيدەن شامامەن 2 ەسە جوعارى»، - دەپ جازىلعان حابارلامادا.
سونداي-اق حالىقتىڭ تابىسى نۇر-سۇلتان (174 396 تەڭگە) جانە الماتى (164 721 تەڭگە) قالالارىندا جوعارى.
ماڭعىستاۋ، قاراعاندى وبلىستارىنىڭ تۇرعىندارىنىڭ تابىسى ورتاشا ەسەپپەن – 141 506 تەڭگە جانە 130 502 تەڭگە.
تابىسى ەڭ تومەن وڭىرلەر – تۇركىستان وبلىسى (63 443 تەڭگە) جانە شىمكەنت قالاسى (75 725 تەڭگە).