قازاقستان رەسپۋبليكاسى ونەركاسىپ جانە قۇرىلىس مينيسترلىگى زاڭسىز وندىرۋگە قارسى ءىس-قيمىل جونىندەگى بۇيرىقتى ىسكە اسىرۋ اياسىندا مۇددەلى مەملەكەتتىك ورگاندارمەن بىرلەسە وتىرىپ، كوشپەلى تەكسەرۋ جۇمىستارىن بەلسەندى جۇرگىزۋدە.
جاقىندا تۇركىستان، جەتىسۋ، شىعىس قازاقستان جانە اباي وبلىستارىنداعى كەن ورىندارىندا جۇرگىزىلگەن رەيدتەر بارىسىندا قاتتى پايدالى قازبالاردى زاڭسىز ءوندىرۋ فاكتىلەرى انىقتالدى، دەپ حابارلايدى aqshamnews.kz.
تەكسەرۋ ناتيجەلەرى بويىنشا بارلىق ماتەريالدار زاڭ اياسىندا ءتيىستى شارالار قابىلداۋ ءۇشىن قۇقىق قورعاۋ ورگاندارىنا جولداندى.
مينيسترلىك قاتتى پايدالى قازبالاردى بويىنشا جەر قويناۋىن پايدالانۋدى رەتتەۋ سالاسىنداعى ۋاكىلەتتى ورگان رەتىندە بۇزۋشىلىقتاردى انىقتاۋ جانە الدىن الۋ شارالارىن دايەكتى تۇردە جۇزەگە اسىرادى. ماسەلە ءمينيستردىڭ تۇراقتى جەكە باقىلاۋىندا، ۇلتتىق پايدالى قازبالاردى زاڭسىز يگەرۋدەن قورعاۋ جۇمىستارى جالعاسادى.
مينيسترلىك جەر قويناۋىن ۇتىمدى جانە زاڭدى پايدالانۋعا جاۋاپكەرشىلىك سالانىڭ تۇراقتى دامۋىنىڭ نەگىزگى ەلەمەنتى ەكەنىن اتاپ كورسەتەدى.