2025 جىلعى 13 مامىردا الماتى تەحنولوگيالىق كوللەدجىنىڭ ستۋدەنتتەرى ايتۆ ينفەكسياسىنىڭ الدىن الۋ تۋرالى كوپتەگەن جاڭا جانە پايدالى اقپارات الدى.
الماتى قالالىق جيتس-تىڭ الدىن الۋ جانە وعان قارسى كۇرەس ورتالىعىنىڭ ماماندارى ستۋدەنتتەرگە ايتۆ-نىڭ جۇعۋ جولدارى مەن ودان قورعانۋ تاسىلدەرى تۋرالى ءدارىس وقىدى. ءىس-شارا رەپرودۋكتيۆتى دەنساۋلىق اپتالىعى اياسىندا ۇيىمداستىرىلدى.
ايتۆ-نىڭ الدىن الۋ — بۇل، ەڭ الدىمەن، اقپاراتتانۋدان باستالادى. ءبىلىم جاستارعا ءوز دەنساۋلىعىنا جانە قاۋىپسىزدىگىنە سانالى تۇردە قاراۋعا كومەكتەسەدى.
ايتۆ مەن ءججبي-دىڭ (جىنىستىق جولمەن بەرىلەتىن ينفەكسيالار) الدىن الۋدىڭ ەڭ ءتيىمدى ادىستەرىنىڭ ءبىرى – ءاربىر جىنىستىق قاتىناس كەزىندە مۇشەقاپ قولدانۋ. سونداي-اق ايتۆ مەن باسقا دا ججبي-لارعا ۇنەمى تەست تاپسىرىپ وتىرۋ ماڭىزدى.
– ايتۆ-نىڭ الدىن الۋ شارالارىندا ستيگما مەن كەمسىتۋشىلىككە قارسى كۇرەسكە ەرەكشە نازار اۋدارىلادى. ايتۆ-مەن ءومىر سۇرەتىن ادامدارعا اشىق جانە قۇرمەتپەن قاراۋ – ولاردىڭ ءوز مارتەبەسىن بىلۋدەن قورىقپاي، كومەك سۇراپ، قاجەت بولعان جاعدايدا ۋاقىتىلى ەمدەلۋىنە مۇمكىندىك بەرەدى، – دەيدى الماتى قالاسى جيتس ورتالىعىنىڭ الەۋمەتتىك قىزمەتكەرى دەربيسالييەۆا انساگۇل.
ءىس-شارا بارىسىندا بارلىق قالاۋشىلار ءوز ايتۆ مارتەبەسىن انىقتاي الدى. مەديسينالىق قىزمەتكەرلەر ەكسپرەسس-تەستىلەۋ جۇرگىزىپ، ناتيجەلەر نەبارى 20 مينۋت ىشىندە دايىن بولدى. تەستىلەۋدەن وتكەن بارلىق ازاماتتارعا پسيحوالەۋمەتتىك كەڭەس بەرىلدى.
#سالاۋاتتىۇرپاق2025 #زدوروۆوەپوكولەنيە2025
#RepHealth2025 #SalauattiUrpaq2025