وڭىرلىك كوممۋنيكاسيالار قىزمەتىنىڭ الاڭىندا الماتىنىڭ باس سانيتارلىق دارىگەرى جانداربەك بەكشين كارانتين ساقتالماعان جاعدايدا ءتارتىپ بۇزۋشىلارعا قانداي ءقاۋىپ تونەتىنىن ەسكە سالدى دەپ حابارلايدى almaty-akshamy.kz
كەيبىر «قىزىل» مارتەبەسى بار الماتىلىقتار دارىگەرلەردىڭ تالاپتارىن ەلەمەي، قوعامدىق تاماقتانۋ ورىندارىنا، ساۋدا ويىن-ساۋىق ورتالىقتارىنا، قالا كينوتەاترلارىنا بارۋعا تىرىسۋدا. بارلىق بۇزۋشىلارعا – 70 ادامعا 30 اەك ايىپپۇل سالىندى.
وسىعان بايلانىستى جانداربەك بەكشين ازاماتتاردى جاسىنا جانە قىزمەت سالاسىنا قاراماستان، ۇسىنىستار مەن شەكتەۋ شارالارىنا جاۋاپكەرشىلىكپەن قاراۋعا شاقىردى جانە كارانتين رەجيمىنىڭ ساقتالۋىن باقىلاۋ بويىنشا جۇمىس جالعاسادى دەپ ۋادە بەردى.
- قالا تۇرعىندارىن «جاسىل» ايماققا كىرگەنىنە قاراماستان، الىس جانە جاقىن شەتەلدەردەگى كۆي بويىنشا ەپيدەميولوگيالىق احۋالدىڭ كۇردەلەنۋىن ەسكەرە وتىرىپ، كارانتيندىك شارالاردى ساقتاۋدى جالعاستىرۋعا جانە بەلسەندى ۆاكسينالانۋعا شاقىرامىن. تەك ۇجىمدىق يممۋنيتەت قالا تۇرعىندارى اراسىندا ۆيرۋستىڭ تارالۋىن جانە ىندەتتى توقتاتادى، ياعني تارالۋ تىزبەگىن ۇزە الادى، - دەپ اتاپ ءوتتى الماتى قالاسىنىڭ باس سانيتارلىق دارىگەرى.
مەگاپوليس تۇرعىندارى كۆي ينفەكسياسىن بۇرىنعىداي ساۋدا نىساندارىندا – 31،5%، وتباسىلاردا – 22،0%، قوعامدىق كولىكتە – 18،3% جانە بازارلاردا – 10،2% جۇقتىرۋدا.