«ءوزىمىز وتىرىپ شاي ىشەيىكشى» دەسەڭىزدەر دوستارىڭىز بەن جاقىندارىڭىزدى الىپ «شاي ىشەيىك» فەستيۆالىنەن ءدام تاتىپ قايتىڭىز. اباي اتىنداعى قازۇوبت جانىنداعى ساياباقتا «شاي ىشەيىك» دەيتىن تاعام فەستيۆالى (Shai isheik Food Fest) ءوتىپ جاتىر دەپ حابارلايدى almaty-akshamy.kz.
ادەتتە قوناقتاردى اتتاندىرىپ نەمەسە ءبىر ۇلكەن جۇمىستى تىندىرعان كەزدە قازەكەم «ەندى ءوزىمىز وتىرىپ ءبىر شاي ىشەيىكشى» دەپ جاتپاۋشى ما ەدى. سوعان ۇقساس قالا كۇنىنە وراي ءوتىپ جاتقان شارالاردىڭ سىرگەجيار قورىتىندىسى دا وسى Shai isheik شاراسى.
گاسترونوميالىق تاعامدار فەستيۆالىنىڭ باعادارلاماسى جاي عانا تاعامدارعا ارنالماعان. تاعام دايارلاۋعا قاتىستى شەبەرلىك ساباقتارى، فۋد-كورت، اشىق اسپان استىنداعى كينوتەاتر، مەرەكەلىك داستارحان، ويىن-ساۋىق باعادارلامالارىن دا ءوز ىشىنە قامتيدى. قىزىقتى فەستيۆالدىڭ كىشكەنتاي قوناقتارىنا دايارلاعان «قوجاناسىر قۇپياسى» سەكىلدى ينتەراكتيۆتى سپەكتاكلدەرى دە بار.
تاعام فەستيۆالىنىڭ ەڭ نەگىزگى ءيميدجدىڭ ءونىمى رەتىندە ۇلتتىق تاعام – باۋىرساق تاڭدالعان. شاعىن سايا باقتا 2000 دانا باۋىرساق ءپىسىرىلىپ تراتىلماق. ءار قوناق ءۇشىن ءبىر كەسە ىستىق شايى دا دايىن. قالا تويىنىڭ شاشۋىنان جاقىن ماڭداعى قالا تۇرعىندارى اۋىز ءتيىپ تە جاتىر.
«فەستيۆال فورماتى قالا ورتاسىنداعى بەلگىلى ءبىر ورىنعا بايلانباي، جىل بويى وتكىزۋگە بولاتىن يكەمدى جوبا دەۋگە بولادى. ياعني، كوشپەلى فەتيۆال جوباسى الداعى ۋاقىتتا الماتىدان وزگە دە قالالارعا وتكىزۋگە بولادى. كونسەرتتىك باعدارلامامىزدىڭ مازمۇنىن ءار الۋان ەتۋگە تىرىستىق. جاڭا ەسترادا باعىتتارىنان تارتىپ، ەتنو-فولكلورلىق انسامبلدەر دە تارتىلدى. ال، كەشكى اشىق اسپان كينوتەاترىندا وتاندىق، قازاقي فيلمدەردى كورسەتۋدى جوسپارلاپ وتىرمىز»، – دەيدى شارانى ۇيىمداستىرۋشى ارۋجان مۇرات.
ۇيىمداستىرۋشىلاردىڭ پىكىرىنشە، شارانىڭ بيزنەس ورتانى دامىتۋعا دا وزىندىك ىقپالى بار دەپ سانايدى. بىلايشا ايتقاندا ءونىم مەن قىزمەت وتەۋ ساپاسىن جوعارلاتۋعا ىقپال ەتەدى.
فەتيۆال قالا تۇرعىندارى مەن قوناقتارىنا ۇناعان سەكىلدى. وتباسىمەن بىرگە الماتىدا ساياحاتتاپ جۇرگەن تيانسزيندىك ۋاڭ لۋىن شارا الاڭىنان ريزاشىلىقپەن شىعىپ بارادى ەكەن. سوزگە تارتىپ ەدىك شاھاردىڭ ءدامى مەن ادامدارىنا ءدان ريزا ەكەنىن ايتىپ كەتتى. «تاعامدارىڭىز وتە ءدامدى ەكەن، ءتۇرى وتە كوپ، ەلدە كوپ ۇلت بار بولعاننان سولاي شىعار. بىر-بىرىنە ۇقسامايتىن ءتۇرلى ءدامدى تاتىپ كوردىك. كەرەمەت! قالا كۇنى قۇتتى بولسىن!» – دەيدى ۋاڭ لۋن.
تاعى قايتالاي كەتەيىك، «شاي ىشەيىك» قالا كۇنىنە وراي ءوتىپ جاتقان شارالاردىڭ قورىتىندىسى رەتىندە 23-24 قىركۇيەك كۇندەرى ءوتىپ جاتىر. جەكسەنبى كەشكى 8-گە دەيىن قوناقتارعا قىزمەت كورسەتپەك.