تاۋدا جوعالعان جاسوسپىرىمدەر تابىلدى

"زارداپ شەككەندەرمەن بايلانىس ورناتتىق، جاسوسپىرىمدەر كۋمبەل شىڭى ايماعىنداعى تۋريستەردى قۇتقارۋعا ارنالعان تاۋداعى لاشىق ۇيلەردىڭ ءبىرىن پانالاعان. قۇتقارۋشىلار جاسوسپىرىمدەرگە ساعات 3:38-دە جەتتى. تاۋدا قار كوپ بولعاندىقتان، جاستاردىڭ كيىمدەرى سۋ بولىپ قالعان ەكەن. قۇتقارۋشىلار ولارعا جىلى شۇلىق بەرىپ، كيىمدەرىن كەپتىرىپ، ساعات 5: 20-دا تاۋ باسىنان تۇسە باستادى. جاس تۋريستەر كوك-جايلاۋ - ءۇش اعايىندى - قۇمبەل باعىتىمەن ءجۇرىپ، سول جەردەن گورەلنيك شاتقالىنا تۇسە باستاعانى انىقتالدى. الايدا، جاس تۋريستتەر ۋاقىتتى ەسەپتەمەي، قاراڭعى تۇسە باستاعان سوڭ، جولدى قىسقارتۋعا شەشىم قابىلداعان. ولار جولدان شىعىپ، اداسىپ قالعان. جاسوسپىرىمدەر دەر كەزىندە دۇرىس شەشىم قابىلدادى: دەرەۋ قۇتقارۋشىلارعا قوڭىراۋ شالىپ، ارنايى تاۋداعى لاشىق ۇيگە بارىپ، پانالاعان"، - دەپ جازدى ۆەدومستۆودان.

تجم رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى ەسكە سالادى: تاۋعا قاراي باعىت الساڭىزدار، ورالۋ ۋاقىتىن ەسەپتەڭىزدەر، باعىتتىڭ كوپ بولىگىن كۇندىزگى ۋاقىتتا ءجۇرىپ وتىڭىزدەر. قۇتقارۋشىلاردى شاقىرۋ ءۇشىن مىنا نومىرلەردى ەستە ساقتاڭىزدار: 112 نەمەسە 8(727)372-15-60 (رەسپۋبليكالىق جەدەل-قۇتقارۋ جاساعى).