وزگەنىڭ تەلەفونىن تارتىپ العان

الماتىدا وزگەنىڭ تەلەفونىن تارتىپ الىپ، قاشىپ كەتكەن ازامات ۇستالدى

بوستاندىق اۋدانىنىڭ پوليسەيلەرى بوتەننىڭ مۇلكىن اشىق تۇردە ۇرلادى دەگەن كۇدىكپەن ەر ادامدى ۇستادى، دەپ حابارلايدى Almaty-akshamy.kz

«قاسكويدىڭ ورىندىقتا وتىرعان قىزدارعا نازار اۋدارعانى بەلگىلى بولدى. قارسىلاستىڭ ءالسىز بولاتىنىنا سەنگەن ول ارعى جاقتان قىزداردىڭ بىرىنە جۇگىرىپ كەلىپ، ونىڭ قولىنان تەلەفونىن تارتىپ الماق بولىپ، دەنە جاراقاتىن سالعان. الايدا جابىرلەنۋشى وسال بولمادى، ول ءوز مۇلكىن قورعاۋعا تىرىستى. قاسكوي ءبارىبىر بوتەننىڭ مۇلكىن تارتىپ الىپ، قاشىپ كەتكەن. ءبىراز ۋاقىتتان كەيىن ءبىزدىڭ بولىمشەنىڭ قىزمەتكەرلەرى ونى ۇستادى. ول ءوز كىناسىن مويىندادى. بۇل دەرەك بويىنشا ق ر قك-نىڭ 191-بابىنا سايكەس قىلمىستىق ءىس تىركەلگەنىن حابارلايمىن. كۇدىكتى قاماۋعا الىندى»، – دەدى بوستاندىق اۋداندىق پوليسيا باسقارماسىنىڭ باستىعى ماقسات قاناپيايەۆ.

ق ر قپك-نىڭ 201-بابىنا سايكەس، وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.