الماتىلىقتار بۇگىن زەينەپ احمەتوۆامەن كەزدەسەدى

وتەتىن ورنى: «الاتاۋ» ءداستۇرلى ونەر تەاترى

24 مامىر كۇنى ساعات 19:00-دە ۇلت جاناشىرى، جازۋشى، ەتنوگراف، باۋىرجان مومىش ۇلىنىڭ كەلىنى زەينەپ احمەتوۆامەن كەزدەسۋ وتەدى، دەپ حابارلايدى Almaty-akshamy.kz

كەزدەسۋدى «ادىرنا» ۇەب قوعامدىق قورى ۇيىمداستىرىپ وتىر.

«زەينەپ اپايىمىز تەكتى، قاھارمان قازاقتىڭ كەلىنى، مومىش ۇلى اۋلەتىنىڭ وكىلى. ودان بولەك قازاقى ءسالت-داستۇردىڭ بىلگىرى، جازۋشىلىعى دا بار. ول كىسى الماتىدا تۇرسا دا، قالامىزدا بۇرىن-سوڭدى وسىنداي اۋقىمدى شارا وتپەپتى. اپايمەن كەزدەسۋلەر كوبىنە تەك ايماقتاردا ءوتىپ كەلىپتى. بايقاساڭىزدار، ءقازىر جاس بۋىنعا بەرەتىن تاربيەسى جوق، جالاڭاشتانۋمەن اتى شىققان نەمەسە ءدىندى تەرىس ناسيحاتتاپ جۇرگەن اعىمنىڭ وكىلدەرى، حالىقتى الداپ جۇرگەن جەلىدەگى الاياقتارمەن كەزدەسۋ وتكىزىلىپ جاتادى، سولار جاستارعا اقىل ايتىپ وتىرادى. ولاردىڭ ەل جيناپ، اقىل ايتۋعا مورالدىق قۇقى جوق. ال زەينەپ اپايمەن كەزدەسۋلەر كوبىرەك وتكىزىلىپ، ول كىسىنىڭ كەڭەسىن تىڭداپ، بىلگەنىن ەستۋىمىز كەرەك، بۇعان مەملەكەتتىك تۇرعىدان قولداۋ بولسا دۇرىس بولار ەدى»، - دەدى كەشتىڭ ۇيىمداستىرۋشىسى ارمان سەرىك ۇلى ءبىزدىڭ تىلشىمىزگە.