ماڭعىستاۋ وبلىسىندا "وزەنمۇنايگاز" كومپانياسى باس ديرەكتورىنىڭ بۇرىنعى ورىنباسارى ۇستالدى.
بۇل تۋرالى قارجى مونيتورينگى اگەنتتىگى مالىمدەدى، دەپ حابارلايدى Almaty-akshamy.kz.
تەرگەۋ بارىسىندا كۇدىكتى ءوزىنىڭ قىزمەتتىك وكىلەتتىكتەرىن اسىرا پايدالانعانى انىقتالعان. ياعني كومپانيانىڭ ءبىرقاتار مەردىگەرلىك ۇيىمدارىنىڭ زاڭدى كاسىپكەرلىك قىزمەتىنە كەدەرگى كەلتىرگەن، دەپ جازدى 24.kz. وسىلايشا ول تەك بيزنەسمەندەردىڭ عانا ەمەس، مىڭنان استام قىزمەتكەردىڭ دە قۇقىعىن تاپتاعان. وسىلايشا ول ەڭبەك ۇجىمدارىندا الەۋمەتتىك شيەلەنىس تۋدىرعان.
- قارامىرزايەۆ كونكۋرستىڭ جەكەلەگەن قاتىسۋشىلارىنىڭ بىلىكتىلىك تالاپتارىنا سايكەس كەلمەيتىنىن جانە مۇناي-گاز سالاسىنداعى جۇمىس تاجىريبەسى تۋرالى جالعان قۇجاتتار ۇسىندى، ولاردى تەندەرگە قاتىسۋعا جىبەردى. ولاردىڭ مۇددەلەرىن قولداۋدى جالعاستىرا وتىرىپ، ول "كەزبي" جشس-نى كومپانيا ءۇشىن كورىنەۋ قولايسىز شارتتاردا ۇڭعىمالاردى جەراستى جوندەۋ بويىنشا شارت جاساسۋعا ءماجبۇر ەتتى، -دەيدى ق ر قارجى مونيتورينگى اگەنتتىگىنىڭ رەسمي وكىلى الىبەك ءابدىلوۆ.