تولە بي كوشەسىنىڭ سولتۇستىگىندە، مومىش ۇلى كوشەسىنىڭ باتىسىندا ساۋدا پاۆيلوندارى بار كافە سوت شەشىمىمەن بۇزىلادى، دەپ حابارلايدى almaty-akshamy.kz الماتى قالا قۇرىلىسىن باقىلاۋ باسقارماسىنا سىلتەمە جاساپ.
قالا قۇرىلىسىن باقىلاۋ باسقارماسىنىڭ مالىمەتىنشە، مەنشىك يەسى جاياۋ جۇرگىنشىلەرگە ارنالعان تروتۋاردى باسىپ الىپ، مەملەكەتتىك قوردىڭ جەرىندە جازعى كافە مەن دۇڭگىرشەكتەردى زاڭسىز سالعان.
بۇرىن ۋچاسكە جالعا الۋ قۇقىعىمەن مەنشىك يەسىنە تيەسىلى بولعان.
ۇزاققا سوزىلعان سوت تەكسەرۋلەرىنەن سوڭ مامانداندىرىلعان اۋدانارالىق ەكونوميكالىق سوت ءوز بەتىنشە سالىنعان قۇرىلىستاردى ءسۇرۋ جانە ۋچاسكەنى ورتاق پايدالانۋعا قايتارۋ تۋرالى شەشىم شىعاردى. اپەللياسيالىق سوت ءبىرىنشى ساتىداعى سوتتىڭ شەشىمىن وزگەرىسسىز قالدىردى.
بۇگىن نىسانداردى ءسۇرۋ جانە جاياۋ جۇرگىنشىلەر ينفراقۇرىلىمىن زاڭسىز نىسانداردان ارىلتۋ باستالدى.
