قازاقستان مەن ازەربايجان حالىقارالىق ارەنادا تابىستى ىنتىماقتاستىق جۇرگىزۋدە
بۇل تۋرالى قازاقستان رەسپۋبليكاسىنىڭ ازەربايجانداعى ەلشىسى ءالىم بايەل مەن ازەربايجان رەسپۋبليكاسى پرەزيدەنتىنىڭ سىرتقى ساياسات ماسەلەلەرى جونىندەگى كومەكشىسى حيكمەت گادجييەۆتىڭ كەزدەسۋىندە ايتىلدى، دەپ حابارلايدى almaty-akshamy.kz
كەزدەسۋدە ەكىجاقتى ىنتىماقتاستىقتىڭ جوعارى قارقىنى قاناعاتتانارلىقپەن اتالىپ ءوتتى. تاراپتار، سونداي-اق، وڭىرلىك جانە حالىقارالىق كۇن تارتىبىندەگى وزەكتى ماسەلەلەردى تالقىلادى. وسى رەتتە كولىك-لوگيستيكالىق ىنتىماقتاستىق پەن كوممۋنيكاسيالار تاقىرىبىنا ەرەكشە كوڭىل ءبولىندى. سونداي-اق، 2023 جىلعى 3 قاراشادا استانادا وتەتىن تۇركى مەملەكەتتەرى ۇيىمىنىڭ 10-شى مەرەيتويلىق ءسامميتىنىڭ ماڭىزدىلىعىنا نازار اۋدارىلدى.
ازەربايجان پرەزيدەنتىنىڭ كومەكشىسى باۋىرلاس قازاقستانعا كورسەتىپ وتىرعان قولداۋى، ەكىجاقتى جانە كوپجاقتى قارىم-قاتىناستاردى دامىتۋ جانە وڭىرلىك ماسەلەلەردى شەشۋ تۇرعىسىنداعى سىندارلى ۇستانىمى ءۇشىن العىس ايتتى. ءوز كەزەگىندە، ەلشى ءا. بايەل قازاقستاننىڭ ايماقتا بەيبىتشىلىك پەن ءوزارا ءتيىمدى ىنتىماقتاستىقتى قولدايتىنىن اتاپ ءوتتى. تاراپتار تۇراقتى كەزدەسۋلەردىڭ قالىپتاسقان تاجىريبەسىن جالعاستىرۋعا كەلىستى.