رەسەيدىڭ ن.گامالەي اتىنداعى ەپيدەميولوگيا جانە ميكروبيولوگيا عىلىمي-زەرتتەۋ ورتالىعى جاساعان «سپۋتنيك V» ۆاكسيناسىنىڭ وزبەكستانداعى ءوندىرىسى ىسكە قوسىلدى، دەپ حابارلايدى almaty-akshamy.kz قازاقپاراتقا سىلتەمە جاساپ.
وزبەكستان دەنساۋلىق ساقتاۋ مينيسترلىگىنىڭ حابارلاۋىنشا، «Jurabek Laboratories» ج ش س شىعارىلاتىن «سپۋتنيك V» ۆاكسيناسىنىڭ 1 جانە 2 كومپونەنتتەرىنىڭ العاشقى 260 500 دوزاسى سانيتارلىق-ەپيدەميولوگيالىق قاداعالاۋ مەن قوعامدىق دەنساۋلىق ساقتاۋ قىزمەتىنە تاپسىرىلدى.
بۇل - وزبەكستاندا ءوندىرىسى جولعا قويىلعان ەكىنشى ۆاكسينا. بۇعان دەيىن وسى كومپانيا قىتاي-وزبەك عالىمدارى بىرلەسىپ جاساعان ZF-UZ-VAC2001 ۆاكسيناسىنىڭ جالپى 7 ميلليون دوزاسىن شىعاردى، ونىڭ 1 458 820 دوزاسى ەكپە ناۋقانىنا جەتكىزىلگەن.
وسىلايشا، وزبەكستاندا ەكپە پروسەسىندە قولدانىلاتىن ۆاكسينا 28 473 528 دوزانى قۇراۋدا.
ولاردىڭ ىشىندە 460 مىڭ دوزا «سپۋتنيك V»، 986 480 مىڭ دوزا AstraZeneca، 13،5 ميلليون دوزا - ZF-UZ-VAC2001، 3 ميلليون 60 دوزا Moderna، 1،2 ميلليون دوزا Pfizer/BioNTech ۆاكسيناسى.