جۇمىس ىزدەۋشىلەرگە ءتيىمدى ىزدەۋ مۇمكىندىگى اشىلادى

ق ر ەڭبەكمينى «ەڭبەك رەسۋرستارىن دامىتۋ ورتالىعى» اق «سامۇرىق-قازىنا» ۇلتتىق ءال-اۋقات قورى» اق-مەن بىرلەسىپ، ەلەكتروندىق ەڭبەك بيرجاسى جانە Samruk Qyzmet پورتالدارىنىڭ ينتەگراسياسىن جۇرگىزدى. ەندى «سامۇرىق-قازىنا» ءۇاق» اق كومپانيالار توبىنا كىرەتىن كاسىپورىنداردىڭ ورنالاستىرىلعان بوس جۇمىس ورىندارى ەەب پايدالانۋشىلارىنا قاراپ، پىكىر ءبىلدىرۋ ءۇشىن قولجەتىمدى بولادى، دەپ حابارلايدى almaty-akshamy.kz

«جالپى، ءبىز ەلەكتروندىق ەڭبەك بيرجاسىنىڭ بوس جۇمىس ورىندارى بازاسىن تۇراقتى تۇردە كەڭەيتۋگە تىرىسامىز، بۇل جۇمىس ىزدەۋشىلەرگە مۇمكىندىگىنشە كوپ جۇمىس مۇمكىندىكتەرىن ۇسىنادى. وسىلايشا، ەەب-دە قور پورتالىمەن ينتەگراسيانىڭ ارقاسىندا «سامۇرىق-قازىنا» ءۇاق» اق كومپانيالار توبىنا كىرەتىن 170-تەن استام ۇيىمنىڭ بوس جۇمىس ورىندارى قولجەتىمدى بولادى»، – دەدى «ەردو» اق پرەزيدەنتى داۋلەت ارعىندىقوۆ.

قازىرگى ۋاقىتتا ەەب-دا قوردىڭ 59 كومپانياسىنان 900-گە جۋىق وزەكتى بوس جۇمىس ورنى ورنالاستىرىلعان، ونىڭ 650ء-ى تۇراقتى جۇمىس ورىندارى.

«ەكى پورتالدى ينتەگراسيالاۋ – بۇل ۇلكەن قادام، سەبەبى قازاقستاندىق پايدالانۋشىلار ءۇشىن جۇمىستى جىلدام ءارى ءتيىمدى ىزدەۋ مۇمكىندىگى اشىلادى. ال «سامۇرىق-قازىنا» ءۇاق» اق توبىنىڭ كومپانيالارى ءۇشىن جۇمىس ىزدەۋشىلەردىڭ كوپ سانىنا قولجەتىمدىلىك كەڭەيتىلەدى، بۇل ناتيجەسىندە بىلىكتى مامانداردى نەعۇرلىم ساپالى ىرىكتەۋگە ىقپال ەتەدى. ءوز كەزەگىندە، ەلەكتروندىق ەڭبەك بيرجاسى پورتالى جاڭا جانە وزەكتى بوس جۇمىس ورىندارمەن تولىقتىرىلدى. ءبىز ينتەگراسيانى جۇزەگە اسىرۋ ءۇشىن كوپ جۇمىس جاسادىق جانە ەندى جۇمىس ىزدەپ جۇرگەن بارلىق ازاماتتار ءبىزدىڭ ەڭبەگىمىزدىڭ ناتيجەلەرىن پايدالانا الاتىنىنا قۋانىشتىمىز»، – دەپ اتاپ ءوتتى «سامۇرىق-قازىنا» كورپوراتيۆتىك ۋنيۆەرسيتەتىنىڭ ديرەكتورى بەكسۇلتان بەكمۇراتوۆ.