ماڭعىستاۋعا وزبەكستاننان اكەلىنگەن 2 توننا قۇرمادان كومستوك قۇرتى تابىلدى
ەكى ەلدىڭ شەكاراسىنداعى فيتوسانيتاريالىق باقىلاۋ بەكەتىنىڭ ينسپەكتورلارى جەمىستى تەكسەرۋ بارىسىندا ءقاۋىپتى زيانكەستى انىقتاعان. ايتا كەتەيىك، كومستوك قۇرتى ادامعا زيان كەلتىرمەيدى. ءبىراق وسىمدىكتىڭ 300-گە جۋىق ءتۇرىن زاقىمدايدى، دەپ حابارلايدى Almaty-akshamy.kz
قۇرتتىڭ كەمىرگەن جەرى جاسىل-جەلەكتىڭ سارعايۋى مەن جەمىستەردىڭ شىرۋىنە اكەلەدى. سوندىقتان كارانتيندىك زيانكەس قاتارىنا جاتقىزىلعان.
«ءبىزدىڭ ماقساتىمىز – كارانتينتيندىك نىسانداردىڭ بارلىق تۇرلەرىن ق ر اۋماعىنا تاراتپاۋ. تارالعان جاعدايدا تولىقتاي لوكاليزاسيا جاساۋ ءۇشىن ۇلكەن ەكونوميكالىق شىعىن كەلتىرەدى. وسى جىلى 3 رەت وسىنداي جاعداي بولدى. وزبەكستاننان كەلگەن كاپۋستادان كارانتيندىك نىسان انىقتالدى، بىرەۋى ءولى جانە ءتىرى كۇيىندە انىقتالدى. قۇرمادان قۇرت تابىلۋى – ءۇشىنشى جاعداي. سول جەردە ءتۇسىندىرۋ جۇمىستارى بەرىلدى، اقپارات بەرىلدى، اتالعان ءونىم كەرى قايتارىلدى»، - دەدى وبلىستىق وسىمدىكتەر كارانتينى، وسىمدىكتەردى قورعاۋ جانە فيتوسانيتاريالىق باقىلاۋ بەكەتتەرى جونىندەگى مەملەكەتتىك ينسپەكسيا ءبولىمىنىڭ باسشىسى اقجارقىن مەڭدىگەرەيەۆا