وزبەكستانداعى پرەزيدەنتتىك سايلاۋ ءوتتى دەپ تانىلدى

سايلاۋشىلاردىڭ 33،54%-ى داۋىس بەرگەن.

وزبەكستاننىڭ ورتالىق سايلاۋ كوميسسياسى ەلدەگى كەزەكتەن تىس پرەزيدەنتتىك سايلاۋدى ءوتتى دەپ تانىدى، دەپ حابارلايدى Almaty-akshamy.kz

قۇزىرلى ۆەدومستۆونىڭ مالىمەتىنشە، جەرگىلىكتى ۋاقىت 11:00-دەگى (استانا ۋاقىتى بويىنشا 12:00) جاعداي بويىنشا رەسپۋبليكا پرەزيدەنتىنىڭ كەزەكتەن تىس سايلاۋىندا سايلاۋشىلاردىڭ 33،54%-ى داۋىس بەرگەن. وزبەكستان زاڭناماسىنا سايكەس، جالپى سايلاۋشىلاردىڭ 33% شەگى يگەرىلگەندە سايلاۋ ءوتتى دەپ سانالادى.

وزبەكستاننىڭ وسك دەرەكتەرى بويىنشا، سايلاۋشىلار تىزىمىنە 19 ملن 593 مىڭ 838 ازامات ەنگىزىلدى، 14 وكرۋگتىك سايلاۋ كوميسسياسى، 10 784 سايلاۋ ۋچاسكەسى قۇرىلدى. شەتەلدە جۇرگەن وزبەكستاندىقتار ءۇشىن 39 ەلدە 56 سايلاۋ ۋچاسكەسى اشىلدى. قازاقستان تەرريتورياسىندا، اتاپ ايتقاندا  استانا، الماتى جانە اقتاۋ قالالارىنداعى وزبەكستاننىڭ ديپلوماتيالىق وكىلدىكتەرىندە سايلاۋ ۋچاسكەلەرى اشىلدى.

ۋچاسكەلەر جەرگىلىكتى ۋاقىت بويىنشا ساعات 20-00-دە جابىلادى. داۋىس بەرۋ قورىتىندىسى دۇيسەنبى كۇنى تاڭەرتەڭ جاريالانادى دەپ جوسپارلانعان.

ءتورت ادام پرەزيدەنتتىكتەن ۇمىتكەر. ەكولوگيالىق پارتيا ءوز كوشباسشىسى ابدۋشۋكۋر حامزايەۆتى، حالىقتىق-دەموكراتيالىق پارتيا ءوز كوشباسشى ۇلىقبەك ينوياتوۆتى، "ادولات" سوسيال-دەموكراتيالىق پارتياسى - جوعارعى سوت ءتوراعاسىنىڭ بۇرىنعى ءبىرىنشى ورىنباسارى روباحون ماحمۋدوۆتى، ال "ۇزليدەپ" باسقارۋشى پارتياسى - قازىرگى پرەزيدەنت شاۆكات ميرزيويەۆتى ۇسىندى.