بۇدان بۇرىن بازارداعى قويمادان ءورت شىققانىن حابارلاعانبىز.
بۇگىن الماتىداعى «كەنجەحان-2» كيىم بازارى اۋماعىنداعى قويمالاردىڭ ءبىرى وتقا ورانىپ، ونداعى ءورت ساعات 12-52-دە وقشاۋلانعان بولاتىن، دەپ حابارلايدى Almaty-akshamy.kz ق ر تجم باسپا ءسوز قىزمەتىنە سىلتەمە جاساپ.
«وقيعا ورنىندا بىردەن جەدەل شتاب قۇرىلىپ، ءورتتى ءسوندىرۋدىڭ ءۇش ۋچاسكەسى انىقتالدى. كورشى تۇرعان كونتەينەرلەرگە وتتىڭ ۇلاسپاسى ءۇشىن ءورت وقپاندارى ىسكە قوسىلدى. تاۋارلىق-ماتەريالدىق قۇندىلىقتارى بار قويمالاردىڭ، كوپتەگەن كولىكتىڭ جۇكتەمەسى بارىنا، بازار اۋماعىنداعى ادامداردىڭ بولۋىنا قاراماستان ءورت ساعات 14:05-تە تولىقتاي ءسوندىرىلدى»، - دەلىنگەن حابارلامادا.
مەرت بولعاندار مەن زارداپ شەككەندەر جوق. ءورتتى سوندىرۋگە تجد جانە قالالىق قىزمەتتەردىڭ كۇشتەرى مەن قۇرالدارى تاراپىنان 74 ادام، 20 تەحنيكا جۇمىلدىرىلدى.