سايلاۋ بارىسىندا وتە جوعارى ساياسي بەلسەندىلىك بايقالدى، دەپ حابارلايدى Almaty-akshamy.kz.
9 شىلدەدە وزبەكستاندا پرەزيدەنت سايلاۋى ءوتتى. داۋىس بەرۋ ساعات 8:00-دە باستالىپ، كەشكى 20:00-گە دەيىن جالعاستى.
وزبەكستان وسك مالىمەتى بويىنشا، ساعات 17:00-گە دەيىن داۋىس بەرۋگە 69،85 پايىز ازاماتتار قاتىسقان (تىزىمدە تىركەلگەن 19،2 ميلليون سايلاۋشىنىڭ 13،4 ميلليونى داۋىس بەردى). سايلاۋشىلاردىڭ ەڭ كوپ قاتىسۋى دجيزاح وبلىسىندا (75،68%)، ەڭ ازى – تاشكەنتتە (63،36%) تىركەلگەن.
سايلاۋعا ونداعان مەملەكەتتەر مەن حالىقارالىق ۇيىمدار اتىنان 800-گە جۋىق بايقاۋشى، سونداي-اق 1500-گە جۋىق جەرگىلىكتى جانە شەتەلدىك جۋرناليستەر اككرەديتتەلگەن.
ەلدىڭ وسك الدىن الا قورىتىندىلاردى 10 شىلدەدە جاريالاۋعا ۋادە بەرىپ وتىر.
پرەزيدەنتتىككە ءتورت ۇمىتكەر تالاسۋدا: قازىرگى پرەزيدەنت شاۆكات ميرزيەيەۆ، حالىقتىق-دەموكراتيالىق پارتيادان كانديدات، بۇرىنعى ءبىلىم ءمينيسترى ۇلىقبەك ينوياتوۆ، ەكولوگيالىق پارتيادان - ابدۋشۇكۇر حامزايەۆ، «ادولات» سوسيال-دەموكراتيالىق پارتياسىنان جوعارعى سوت ءتوراعاسىنىڭ ورىنباسارى روباحون ماحمۋدوۆا قاتىسادى.