وزبەكستاندا جاسى 12-دەن اسقان بالالارعا كوروناۆيرۋسقا قارسى ۆاكسينا سالۋعا رۇقسات ەتىلدى، دەپ حابارلايدى almaty-akshamy.kz قازاقپاراتقا سىلتەمە جاساپ.
ۆەدومستۆونىڭ حابارلاۋى بويىنشا، باس مەملەكەتتىك سانيتارلىق دارىگەر مەن ۇلتتىق تەحنيكالىق يممۋنولوگيالىق ساراپتاما كەلىسىمىنە سايكەس، اتا-انالارى نەمەسە قاراۋشىلارى رۇقسات ەتكەن جاعدايدا، جاسى 12-دەن اسقان بالالار Pfizer ۆاكسيناسىن ەرىكتى تۇردە سالدىرتا الادى.
«12-15 جاس ارالىنداعى بالالارعا وتكىزىلگەن Pfizer ۆاكسيناسىنىڭ كلينيكالىق سىنامالارى جاقسى ناتيجە كورسەتتى. وسىنداي كەڭەستى دۇنيەجۇزىلىك دەنساۋلىق ساقتاۋ ۇيىمى دا بەرىپ وتىر»، - دەلىنگەن دەنساۋلىق ساقتاۋ مينيسترلىگىنىڭ حابارلاماسىندا.
ۆەدومستۆونىڭ حابارلاۋىنشا، قىركۇيەكتىڭ ورتاسىندا ەلگە Pfizer ۆاكسيناسىنىڭ 1،2 ميلليون دوزاسى جەتكىزىلدى. بۇل پرەپارات وزبەكستاندا پايدالانۋعا رۇقسات ەتىلگەن بەسىنشى ۆاكسينا بولىپ وتىر.
ەسكە سالا كەتەيىك، وزبەكستاندا ۆاكسينا سالۋ ناۋقانى 1 ساۋىردەن باستاۋ الدى. ۆاكسينالاۋ AstraZeneca، ZF-UZ-VAC2001، «سپۋتنيك-V»، Moderna جانە Pfizer پرەپاراتتارىمەن جۇزەگە اسىرىلادى. بۇگىندە رەسپۋبليكادا 4 ميلليون ادام تولىعىمەن ۆاكسينا العان.