وزبەكستاندا حيسوراق جاساندى سۋ قويماسىنىڭ بوگەتى بۇزىلدى.
ماڭايداعى جولدار سۋ استىندا قالدى. قاشقاداريا وبلىسىنا قاراستى كەي اۋىلداردا حالىق الاڭداپ، وزگە جاققا باس ساۋعالاپ كەتىپ جاتقانى تۋرالى بەينەجازبا الەۋمەتتىك جەلىدە تارادى، دەپ حابارلايدى اlmaty-akshamy.kz.
بۇل اقپاراتتى ەلدىڭ توتەنشە جاعدايلار مينيسترلىگى راستادى، دەپ جازادى qazaqstan.tv.
رەسمي مالىمەتكە قاراعاندا، سۋ قويماسىنىڭ ىرگەسىنە تاياۋ جەردە جۇرگىزىلىپ جاتقان قۇرىلىس جۇمىستارىنان، بوگەتتە سىزات پايدا بولىپ، سۋ سىرتقا قاراي لاپ قويعان.
اپاتتىڭ سالدارىن جويۋ ماقساتىندا جاۋاپتى وكىلدەردەن تۇراتىن جەدەل شتاب قۇرىلدى.
"ارنايى تەحنيكانىڭ كومەگىمەن قالپىنا كەلتىرۋ شارالارى قولعا الىندى. رەسپۋبليكالىق دەڭگەيدەگى مامانداردان قۇرالعان جۇمىس توبى شۇعىل تۇردە ايماققا جەتىپ، جاعدايدى زەردەلەدى. توتەنشە جاعداي ورىن الدى دەۋگە نەگىز جوق. ءقازىر قويماداعى سۋدىڭ مولشەرى قالىپتى دەڭگەيدە."ابدۋللا كۋلداشيەۆ، وزبەكستان رەسپۋبليكاسى توتەنشە جاعدايلار ءمينيسترى