وزبەكستان پارلامەنتىنىڭ زاڭ شىعارۋشى (تومەنگى) پالاتاسىنىڭ وتباسى جانە ايەلدەر ىستەرى جونىندەگى كوميتەتى تۋىستار اراسىنداعى نەكەگە تىيىم سالۋدى كەڭەيتۋدى كوزدەيتىن وتباسى كودەكسىنە وزگەرىستەر ەنگىزۋ تۋرالى زاڭ جوباسىن جاريالادى.
بۇل جايىندا islam.kz پورتالى تاسس اقپارات اگەنتتىگىنە سىلتەمە جاساي وتىرىپ ءمالىم ەتەدى، دەپ حابارلايدى almaty-akshamy.kz.
پارلامەنتتىڭ تومەنگى پالاتاسىنىڭ باسپا ءسوز قىزمەتى حابارلاعانداي، تولىققاندى، ياعني، ءبىر اتادان تاراعان جاقىن تۋىسقاندارمەن نەكە قيۋعا سالىنعان تىيىممەن قاتار، ەكىنشى، ءۇشىنشى جانە ءتورتىنشى دارەجەدەگى جاقىن تۋىستار اراسىندا دا وتاۋ قۇرۋعا تىيىم سالىنۋى مۇمكىن. بۇل ارادا اعا-ىنىلەرى مەن اپكە-قارىنداستارى، ولاردىڭ بالالارى، اكە مەن شەشەنىڭ ءىنى-قارىنداستارى، ولاردىڭ بالالارى، اتا-اجەسىنىڭ اعا-اپكەلەرى، ولاردىڭ بالالارى، ت.ب. اراسىندا شاڭىراق كوتەرۋگە سالىناتىن تىيىم تۋراسىندا ءسوز بولىپ وتىر. وزبەكستاندا 2021 جىلدان باستاپ تىكەلەي تۋىساتىن تۋىستار اراسىنداعى، سونداي-اق، اسىراپ الۋشىلاردىڭ بالالارى مەن اسىراپ الىنعان بالالار اراسىنداعى نەكەگە رۇقسات ەتىلمەيدى.
ەگەر مەديسينالىق-گەنەتيكالىق تالداۋ (دنق سىناعى) ناتيجەسى وڭ ناتيجە بەرسە، نەكەگە رۇقسات ەتىلەدى. سونىمەن قاتار، نەكەگە تۇرعانعا دەيىن مەديسينالىق تەكسەرۋدەن ءوتۋ ءتارتىبىن بۇزعانى ءۇشىن، ياعني، نەكەلەسپەن تۇرىپ مەديسينالىق تەكسەرۋدەن وتپەگەندەر جاۋاپكەرشىلىككە تارتىلۋى مۇمكىن. وزبەكستاندا جاقىن تۋىستارى قۇرعان وتباسىندا كەمىستىگى بار كەمتار بالالار مەن تۇقىم قۋالايتىن اۋرۋى بار بالالار سانى ارتىپ كەتكەن. اتاپ ايتقاندا، وسى جىلدىڭ اينالدىرعان بەس ايىندا رەسپۋبليكالىق پەدياتريالىق ورتالىقتىڭ بولىمشەلەرىنە اۋىر تۇقىم قۋالايتىن اۋرۋمەن 6660 بالا جاتقىزىلدى؛ بۇل بالالاردىڭ اتا-اناسىنىڭ 28،9 پايىزى بىر-بىرىنە جاقىن تۋىس. ءتۇرلى دەرەك كوزدەرىنە سۇيەنسەك، وزبەكستاندا اۋىلدىق جەرلەردەگى نەكەلەردىڭ تورتتەن بىرىنە دەيىن تۋىسقان وتباسىلار اراسىندا قيىلعان، ال قالالىق جەرلەردە ءاربىر 10-شى ەرلى-زايىپتىلاردىڭ اراسىندا تۋىستىق قاتىناس بار.