الماتىداعى ناۋرىزباي باتىر كوشەسىندە ايدىڭ باسىنان بەرى كوك ءتۇستى جول تاڭباسى پايدا بولدى. «الماتى پاركينگ» مەكەمەسى كوممۋنالدىق اقىلى تۇراق ايماعى وسىلاي تاڭبالاناتىن حابارلادى.
بۇل جاڭالىق كولىك جۇرگىزۋشىلەرىنە تۇراق ايماعىندا جۇرۋگە كومەكتەسۋگە ارنالعان. بۇرىن اقىلى اۆتوتۇراقتار تەك 5، 10 جانە 20 ساندارى بار شەڭبەرمەن بەينەلەنگەن اقپاراتتىق تاقتا تۇرىندە كورسەتىلگەن. الايدا مۇنداي بەلگىلەر ءاردايىم اقىلى تۇراق شەكارالارىن ناقتى كورسەتە بەرمەيدى.
«كوك ءتۇستى تاڭبا ناۋرىزباي باتىر كوشەسىندە پايدا بولدى جانە ودان ءارى بارلىق كوممۋنالدىق اقىلى اۆتوتۇراقتا قولدانىلادى. تىعىز ترافيك كەزىندە جول بەلگىسى بايقالماۋى مۇمكىن، ال كوك تاڭبا نازار اۋدارتادى. بۇل قالالىق ينفراقۇرىلىمدى جاقسارتۋ جانە الماتى تۇرعىندارى مەن قوناقتارى ءۇشىن جايلىلىق دەڭگەيىن ارتتىرۋ جونىندەگى باعدارلامانىڭ ءبىر بولىگى. كولىك جۇرگىزۋشىلەرى ءقازىردىڭ وزىندە تۇراق ايماعىن انىقتاۋ پروسەسىن قاراپايىم ءارى تۇسىنىكتى ەتەتىن جاڭا جۇيەنىڭ ارتىقشىلىعىن باعالاي الادى»، - دەلىنگەن «الماتى پاركينگتىڭ» حابارلاماسىندا.