ماقتا شارۋاشىلىعى ەلىمىزدىڭ ەكونوميكاسىندا ەرەكشە ورىن الادى.
وزبەكستاندىق "Gurlan Global Teks" كومپانياسى تۇركىستاندا ماقتا كلاستەرى بويىنشا زاۋىت سالۋعا نيەتتى، دەپ حابارلايدى Almaty-akshamy.kz Inbusiness.kz سىلتەمە جاساپ.
كومپانيانىڭ پرەزيدەنتى ەلدور وسمانوۆ وبلىستىڭ ينۆەستيسيالىق الەۋەتىمەن تانىستى.
تۇركىستان وبلىسى اكىمىنىڭ ورىنباسارى ەرمەك كەنجەحان ۇلىنىڭ ايتۋىنشا، ماقتا ءوسىرۋ ماقتارال اۋدانىندا جوعارى دەڭگەيدە جاقسى دامىعان. ول "Gurlan Global Teks" كومپانياسىمەن ماقتا كلاستەرى بويىنشا ەكىجاقتى ىسكەرلىك قارىم-قاتىناستى ورناتۋعا مۇددەلى ەكەنىن جەتكىزدى.
ماقتا شارۋاشىلىعى ەلىمىزدىڭ ەكونوميكاسىندا ەرەكشە ورىن الادى. وبلىس تۇرعىندارىنىڭ باسىم بولىگى بۇل سالادا جۇمىس ىستەيدى.