بىزدىكىلەر تاجىربيە بولىسپەك
وزبەكستان قازاقستاننىڭ اۋىل شارۋاشىلىعى سالاسىنداعى تاجىريبەسىنە قىزىعۋشىلىق تانىتۋدا. ءقازىردىڭ وزىندە كورشى مەملەكەتتىڭ بيزنەسمەندەرى 6 قازاقستاندىق جوباعا قاتىسۋدا، دەپ حابارلايدى Qazaqtv.com cايتىنا سىلتەمە جاساپ
ولاردىڭ ىشىندە جىلىجايعا ارنالعان يننوۆاسيالىق شامدار، ۆەتەرينارلىق پروبيوتيكتەر بار. ناۆوي ەركىن ەكونوميكالىق ايماعى ديرەكسياسىنىڭ باسشىسى حابيب ابدۋللايەۆتىڭ ايتۋىنشا، وزبەكستاندى سۋ مەن ەلەكتر ەنەرگياسىن ۇنەمدەيتىن جانە بالاما كوزدەردى پايدالاناتىن تەحنولوگيالار قىزىقتىرادى.
بۇل سالادا قازاقستان الدەقايدا الدا.
«جەرگىلىكتى فەرمەرلەر ءوز شارۋاشىلىقتارىندا ونداي ادىستەردى بارلىق جەردە قولدانىپ كەلەدى»، - دەيدى ساراپشىلار.
«وزبەكستان سوڭعى بىرنەشە جىلدا عانا الەمگە تولىقتاي اشىلدى. بۇعان دەيىن ءبىزدىڭ ەكونوميكا جابىق بولاتىن. بۇل سالادا ارينە، قازاقستان بىرنەشە قادام الدا كەلەدى. ويتكەنى قازاقستاندا ليبەراليزاسيالاۋ، ينۆەستيسيالىق احۋالدى جاقسارتۋ ۇدەرىستەرى ەرتە باستالدى. سوندىقتان ءبىز دە كوبىنە قازاقستاننىڭ جوسپارىمەن ءجۇرىپ كەلەمىز جانە بۇل ءىس ءبىزدى ودان ءارى تىعىز بايلانىستىرادى. قازاقستاندىق كومپانيالار ءوز شەشىمدەرىن بىزگە ەكسپورتتاي الادى. ال جەرسىندىرۋگە كەلسەك، بۇل – ەكىنشى دەڭگەيدەگى سۇراق. ماعان ولار وتە پروگرەسسيۆتى جانە ەڭ باستىسى سۇرانىسقا يە بولىپ كورىنەدى»، - دەدى ناۆوي ەركىن ەكونوميكالىق ايماعى ديرەكسياسىنىڭ باس ديرەكتورى حابيب ابدۋللايەۆ.