ولار كوشەلەردى كۇتىپ ۇستاۋعا باقىلاۋ جاسايدى.
قالا كوشەلەرىندەگى قار تازالاۋ تەحنولوگياسى تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا قالا اكىمىنىڭ ورىنباسارى سەرىك قۇسايىنوۆ ايتىپ بەردى، دەپ حابارلايدى Almaty-akshamy.kz
ول كوشەلەردى تازالاۋ جونىندەگى بيۋدجەتتىك باعدارلامانىڭ اكىمشىلەرى الماتى قالاسىنىڭ اۋداندىق اكىمدىكتەرى بولىپ تابىلاتىنىن، ولار كونكۋرستىق نەگىزدە كوشە-جول جەلىسىن كۇتىپ ۇستاۋ جونىندەگى مەردىگەرلەردى ايقىندايتىنىن حابارلادى.
«ءاربىر كوشەگە بيۋدجەت قاراجاتىن ءبولۋ ونىڭ ساناتىنا سايكەس ءجۇرۋ بولىگىنىڭ، تروتۋاردىڭ، جول جيەگىنىڭ ەنىنە، ءبولۋ جولاعىنىڭ، ارىق جەلىسىنىڭ بولۋىنا، قوعامدىق كولىك ايالدامالارىنىڭ سانىنا جانە ت.ب. بايلانىستى جۇرگىزىلەدى»، - دەدى سپيكەر. - كوشە ساناتىنا بايلانىستى ونى جيناۋ ەسەلىگى دە كوزدەلەدى، مىسالى، ماگيسترالدىق كوشەلەر كۇنىنە ەكى رەت تازالانادى.
سەرىك قۇسايىنوۆتىڭ ايتۋىنشا، كوشەلەردى قىسقى تازالاۋ بويىنشا جۇمىستاردى جۇرگىزۋ تەحنولوگياسىنا سايكەس جولداردىڭ ءجۇرۋ بولىگىن كوكتايعاققا قارسى ماتەريالدارمەن سەبۋ قار جاۋا باستاعاننان كەيىن 20-40 مينۋت وتكەن سوڭ جۇزەگە اسىرىلادى، ويتكەنى كوكتايعاققا قارسى ماتەريالدىڭ ءسىڭۋى ءۇشىن جەتكىلىكتى قار قالىڭدىعى قاجەت.
قاردى سىپىرۋ اۋدان اكىمدىكتەرى بەكىتكەن كەستە بويىنشا، ءبىرىنشى كەزەكتە نەگىزگى كوشەلەردەن اسفالتقا جابىسپايتىن بورپىلداق قار ماسساسى پايدا بولعاننان كەيىن جۇرگىزىلەدى. كوكتايعاققا قارسى سەبۋ ءاربىر 5 سم جاڭادان جاۋعان قاردان كەيىن جۇرگىزىلەدى، سودان كەيىن قايتادان قار كۇرەيدى، سودان كەيىن ول شىعارىلادى.
«اتالعان تەحنولوگيا ساقتالماعان جاعدايدا كوشەلەردە مۇز پايدا بولادى. سوندىقتان، كوكتايعاقتىڭ پايدا بولۋىنا جول بەرمەۋ ماقساتىندا قاردىڭ كوكتايعاققا قارسى ماتەريالارمەن ارالاسۋىن جانە اسفالتقا جابىسپايتىن جانە اسفالتقا جابىسپايتىن، جول جيەگىنەن وڭاي الىناتىن جۇمساق قار ماسساسىنىڭ پايدا بولۋىن كۇتۋ قاجەت»، - دەپ ءتۇسىندىردى سەرىك قۇسايىنوۆ.