15 تامىز تاڭەرتەڭگىلىك جاعداي بويىنشا وزبەك-اۋعان شەكاراسىنداعى جاعداي تۇراقتالدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«2021 جىلدىڭ 15 تامىزى ساعات 10:00-دەگى جاعداي بويىنشا «تەرمەز-حايراتون» كوپىرىندەگى جاعداي ءبىرقالىپتى. اتاپ ايتقاندا، كوپىردىڭ اۋعان بولىگىندە جينالعان اۋعانستان ازاماتتارىنىڭ باسىم بولىگى كوپىردەن كەتتى. بۇل بەلسەندى جۇرگىزىلگەن ساياسي-ديپلوماتيكالىق شارالاردىڭ، ءتۇسىندىرۋ جۇمىستارىنىڭ ناتيجەسى»، - دەپ حابارلادى وزبەكستان ءسىم.
ەسكە سالايىق، كەشە اۋعانستان قارۋلى كۇشتەرىنىڭ 84 اسكەري قىزمەتشىسى مەملەكەتتىك شەكارانى كەسىپ ءوتىپ، ۇستالعان ەدى. شەكارا بۇزۋشىلار قارسىلىق تانىتپاعان، جاراقات العان ءۇش ادامعا مەديسينالىق كومەك كورسەتۋدى سۇراعان.