2025 جىلعى 18 مامىردا تۇركىستان وبلىسى، وتىرار اۋدانىندا قازاقستان رەسپۋبليكاسى مادەنيەت جانە اقپارات مينيسترلىگى مادەنيەت كوميتەتىنىڭ «وتىرار» مەملەكەتتىك ارحەولوگيالىق مۋزەي-قورىعى» رمقك رەسپۋبليكالىق مەملەكەتتىك قازىنالىق كاسىپورنىنىڭ ۇيىمداستىرۋىمەن جىل سايىن حالىقارالىق دەڭگەيدە وتكىزىلەتىن ءداستۇرلى «مۋزەي ءتۇنى» اكسياسى اياسىندا «وتىرار: وتكەنگە ساياحات ءتۇنى» تاقىرىبىندا مادەني ءىس-شارا ءوتتى.
شارانىڭ سالتاناتتى اشىلۋىنا وتىرار اۋدانى اكىمىنىڭ ورىنباسارى قۇلماحانوۆ ايدوس قۇلماحان ۇلى، اۋداندىق ءماسليحاتتىڭ ءتوراعاسى ۇزاقوۆ ۋاليحان جامالحان ۇلى جانە «وتىرار» مەملەكەتتىك ارحەولوگيالىق مۋزەي-قورىعى» رمقك ديرەكتورى جاندوسوۆ ايبەك قىستاۋباي ۇلى قاتىسىپ، شارا قوناقتارى مەن قاتىسۋشىلارىن قۇتتىقتاپ، تاريحي قۇندىلىقتاردى ناسيحاتتاۋعا باعىتتالعان ءىس-شارانىڭ ماڭىزدىلىعىن اتاپ ءوتتى.
مەرەكەلىك كەش بارىسىندا مۋزەي ىسىنە سىڭىرگەن ەڭبەگى ءۇشىن مۋزەي ارداگەرلەرى مەن قىزمەتكەرلەرى مۋزەي باسشىلىعىنىڭ، «AMANAT» پارتياسىنىڭ جانە اۋدان اكىمىنىڭ اتىنان ارنايى ماراپاتتارمەن جانە العىس حاتتارمەن ماراپاتتالدى. بۇل قۇرمەت – سالا ماماندارىنىڭ مادەني مۇراعا قوسقان ۇلەسىن باعالاۋ مەن ولاردىڭ ەڭبەگىنە دەگەن جوعارى قۇرمەتتىڭ كورىنىسى بولدى.
ءىس-شارانىڭ نەگىزگى ماقساتى – حالىقتىڭ مۋزەي ىسىنە قىزىعۋشىلىعىن ارتتىرۋ، تاريحي-مادەني مۇرالاردى كەڭىنەن ناسيحاتتاۋ، سونداي-اق ۇلتتىق رۋح پەن پاتريوتتىق سانا-سەزىمدى نىعايتۋ.
مادەني كەش اياسىندا كەلەسى باعىتتار بويىنشا ءىس-شارالار ۇيىمداستىرىلدى:
تاقىرىپتىق كورمەلەر مەن ەكسكۋرسيالار – كەلۋشىلەردى كونە داۋىرلەر تاريحىمەن تانىستىرىپ، جادىگەرلەردىڭ تاريحي ءمانىن كەڭىنەن اشتى؛
تانىمدىق ۆيكتورينالار – جاس ۇرپاقتىڭ تاريحي ءبىلىمىن ارتتىرۋعا جانە زياتكەرلىك الەۋەتىن دامىتۋعا ىقپال ەتتى؛
دەرەكتى فيلمدەر كورسەتىلىمى – ۇلتتىق بولمىس پەن تاريحي مۇرا تاقىرىبىنداعى تاربيەلىك ءمانى زور فيلمدەر ۇسىنىلدى؛
ۇلتتىق ويىندار مەن ەتنوگرافيالىق كورىنىستەر – ەتنوكەشەن اۋماعىندا ۇيىمداستىرىلعان التىباقان تەبۋ، لاڭگى تەبۋ، گىر تاسىن كوتەرۋ، قولكۇرەس، ۇرشىق ءيىرۋ سياقتى ءداستۇرلى ويىندار ارقىلى قازاق حالقىنىڭ مادەني قۇندىلىقتارى قايتا جاڭعىرتىلدى.
«مۋزەي ءتۇنى» – بۇل ءبىر كۇندىك مادەني ءىس-شارا عانا ەمەس، تاريح پەن بۇگىننىڭ، وتكەن مەن كەلەشەكتىڭ اراسىن جالعايتىن رۋحاني التىن كوپىر قىزمەتىن اتقاردى.
شاراعا قاتىسۋشىلار ۇلتتىق مۇراعا دەگەن قۇرمەتىن تەرەڭدەتە ءتۇسىپ، تۋعان جەرگە دەگەن سۇيىسپەنشىلىكتى سەزىنە وتىرىپ، تاريحي تانىمىن ارتتىردى. اتالعان كەش – جاس ۇرپاقتىڭ پاتريوتتىق تاربيەسىن قالىپتاستىرۋعا جانە ۇلتتىق سانا-سەزىمىن دامىتۋعا وڭ ىقپال ەتتى.
ءىس-شارانىڭ وتكىزىلگەن كۇنى: 18 مامىر 2025 جىل
وتكىزىلگەن ورنى: تۇركىستان وبلىسى، وتىرار اۋدانى، جىبەك جولى كوشەسى، 1ء-ۇي، «وتىرار» مەملەكەتتىك ارحەولوگيالىق مۋزەي-قورىعى» رمقك
ۇيىمداستىرۋشى: قازاقستان رەسپۋبليكاسى مادەنيەت جانە اقپارات مينيسترلىگى، مادەنيەت كوميتەتى، «وتىرار» مەملەكەتتىك ارحەولوگيالىق مۋزەي-قورىعى» رمقك