الماتىلىق دارىگەرلەر وتشاشۋدان زارداپ شەككەن 13 جانە 16 جاستاعى جاسوسپىرىمدەردىڭ قولىن امان الىپ قالدى، دەپ حابارلايدى اlmaty-akshamy.kz قالالىق دەنساۋلىق ساقتاۋ باسقارماسىنا سىلتەمە جاساپ.
وتانى الماتى قالاسىندا بالالار شۇعىل مەديسينالىق كومەك كورسەتۋ ورتالىعىنىڭ (بشمكو) تراۆماتولوگتارى جاسادى.
ەكى پاسيەنتتە ارالاس جاراقاتتار بولدى. كلينيكا ءادىسى بويىنشا ىشكى بەكىتۋمەن سۇيەك سىنىقتارىن جابىق رەپوزيسيالاۋ، سونداي-اق وڭ قولدىڭ II ساۋساعىنىڭ تىندەرىمەن پلاستيكا جاسالدى. ءبىز قولدارىن بولىكتەر بويىنشا جينادىق، - دەدى الماتى قالالىق بالالار شۇعىل مەديسينالىق كومەك ورتالىعىنىڭ تراۆماتولوگى كەشىرمە قۋانىش.
اۋرۋحاناعا 4 قاڭتاردا وتشاشۋدان زارداپ شەككەن تاعى 3 بالا جەتكىزىلگەن. ۇشەۋىنىڭ دە جاراقاتى اۋىر. بىرەۋىنىڭ جانارىنا زاقىم كەلگەن. ول ازىرگە اق جارىقتى عانا كورە الادى. دارىگەرلەر بالانىڭ بولاشاقتا ناقتى كورەتىنى نەمەسە جانارسىز قالاتىنى تۋرالى بولجام جاساۋعا ەرتە دەيدى.
جالپى، ءقازىر بالالار شۇعىل مەديسينالىق كومەك ورتالىعىنا وتشاشۋدان جارالانعان 9 بالا جۇگىنگەن. ونىڭ 5-ەۋى ەمدەلىپ جاتىر.