6 ادامنىڭ جاعدايى اۋىر
وتكەن ءبىر تاۋلىكتە ەلىمىزدە كوروناۆيرۋس 39 ادامنان انىقتالدى، تاعى 3 ادام كوروناۆيرۋس پنيەۆمونياسىن جۇقتىردى. بۇل تۋرالى ق ر دەنساۋلىق ساقتاۋ مينيسترلىگىنەن ءمالىم ەتتى، دەپ حابارلايدى Almaty-akshamy.kz.
جالپى، 2020 جىلعى 13 ناۋرىزدان بيىلعى 8 قازانعا دەيىن اتالعان ىندەتكە 1 393 974 ادام شالدىقتى. قازا بولدى – 13692 ناۋقاس. ال پنيەۆمونيا 2020 جىلعى 1 تامىزدان بيىلعى 7 قازانعا دەيىن 90 096 ادامدا تىركەلدى. قايتىس بولدى – 5 360 پاسيەنت.
ءقازىر ەل وڭىرلەرىندە كوروناۆيرۋس ينفەكسياسىنان 1 082 ادام ەمدەلىپ جاتىر، سونىڭ ىشىندە كوروناۆيرۋستان – 945 (كۆي+)، كوروناۆيرۋس پنيەۆمونياسىنان – 137 (كۆي-) ناۋقاس.
116 پاسيەنت ستاسيوناردا جاتسا، 966 ناۋقاس امبۋلاتوريالىق دەڭگەيدە ەم قابىلداۋدا.
كۆي+، كۆي- شالدىققانداردىڭ اراسىندا:
- 6 ادامنىڭ جاعدايى اۋىر،
- 3 پاسيەنتتىڭ جاعدايى وتە اۋىر،
- 1 ناۋقاس وكپەنى جاساندى جەلدەتۋ اپپاراتىنا قوسىلعان.
ەسكە سالايىق، 7 قازانداعى تاۋلىك ىشىندە ەل وڭىرلەرىندە كوروناۆيرۋس ينفەكسياسى - 51 ادامنان، كوروناۆيرۋس پنيەۆمونياسى 4 ادامنان انىقتالعان بولاتىن.